Introduksiyon sa Seksiyon 2
Nganong gilaglag ni Jehova ang kalibotan kaniadto pinaagig lunop? Human himoa ni Jehova ang tawo, nagsugod ang usa ka away—maayo kontra daotan. Ang ubang tawo, parehas ni Adan, Eva, ug ilang anak nga si Cain, midapig sa daotan. Duna poy midapig sa maayo pareho nilang Abel ug Noe. Kadaghanang tawo nahimong daotan maong gilaglag sila ni Jehova. Masayran nato niini nga seksiyon nga si Jehova nahibalo kon asa kita dapig ug dili gyod siya mosugot nga modaog ang daotan.
NIINI NGA SEKSIYON
LEKSIYON 3
Si Adan ug Eva Wala Mosunod sa Diyos
Nganong naay usa ka kahoy nga lahi sa tanang kahoy didto sa garden sa Eden? Nganong gikaon ni Eva ang bunga niini?
LEKSIYON 4
Nasuko ug Nakapatay
Gidawat sa Diyos ang halad ni Abel pero wala niya dawata ang halad ni Cain. Pagkahibalo ni Cain, nasuko kaayo siya ug duna siyay gihimong daotan.
LEKSIYON 5
Arka ni Noe
Ang mga anghel nagminyog mga babaye sa yuta ug nanganak silag mga higante. Napunog daotan ang yuta. Pero lahi si Noe—siya nahigugma ug masinugtanon sa Diyos.
LEKSIYON 6
Walo ka Tawo Naluwas
Naglunop kay nag-ulan ug 40 ka adlaw ug 40 ka gabii. Kapig usa ka tuig nga naa sa sulod sa arka si Noe ug ang iyang pamilya. Dayon nakagawas ra gyod sila.
