Pag-ampo ug pangandam pag-ayo. Iampo nga makapokus ka sa imong mensahe, dili sa imong kaugalingon. Seguroa kon unsang mga puntoha ang imong ipasiugda. Ayaw lang basta isulti ang mga pulong nga naa sa outline; isulti kini sa kaugalingon nimong mga pulong.

Sulti sa sinserong paagi. Hunahunaa kon nganong kinahanglang madungog sa imong mamiminaw ang mensahe. Pagpokus nila. Dayon ang imong linihokan, pagkompas, ug ekspresyon sa nawong magpakita nga sinsero ka ug mahigalaon.

Tan-aw sa mamiminaw. Kon okey ra sa inyong kultura, tan-awa sa mata ang imong mamiminaw. Dihang magpakigpulong, tan-aw usahay sa mga indibiduwal imbes motan-aw sa mga mamiminaw ingong grupo.