Unsay Giingon sa Bibliya?
Unsay mahitabo inigkamatay nato?
GITUOHAN SA UBAN nga mabuhi ta sa lahi na pod nga matang, samtang alang sa uban, ang kamatayon maoy kataposan sa tanan. Unsay imong gituohan?
ANG GIINGON SA BIBLIYA
“Bahin sa mga patay, sila walay nahibaloan nga bisan unsa.” (Ecclesiastes 9:5) Inigkamatay nato, dili na ta maglungtad.
UNSA PAY ATONG MAKAT-ONAN SA BIBLIYA?
Ang unang tawo, si Adan, mibalik sa abog pagkamatay niya. (Genesis 2:7; 3:19) Sa susama, ang tanan nga mamatay mobalik sa abog.—Ecclesiastes 3:19, 20.
Ang mga tawo nga mamatay gipahigawas na, o gipasaylo na, sa ilang mga sala. (Roma 6:7) Human nga mamatay ang tawo, wala nay dugang pa nga silot sa iyang sala.
Mabuhi ba pag-usab ang mga patay?
UNSAY IMONG TUBAG?
Oo
Dili
Tingali
ANG GIINGON SA BIBLIYA
“Aduna unyay pagkabanhaw.”—Buhat 24:15.
UNSA PAY ATONG MAKAT-ONAN SA BIBLIYA?
Sa Bibliya, sagad gitandi ang kamatayon sa pagkatulog. (Juan 11:11-14) Mapukaw sa Diyos ang mga patay, sa samang paagi nga mapukaw nato ang tawong natulog.—Job 14:13-15.
Gihisgotan sa Bibliya nga dunay gipangbanhaw, busa duna tay lig-ong basehanan kon nganong motuo ta nga ang mga patay banhawon.—1 Hari 17:17-24; Lucas 7:11-17; Juan 11:39-44.
Basin Ganahan Pod Ka
PAGMATA!
Unsay Giingon sa Bibliya Bahin sa Kamatayon?
Unsay mahitabo dihang kita mamatay? May paglaom ba nga makauban nato pag-usab ang atong mga minahal nga nangamatay? Basaha ang makalipayng tubag sa Bibliya sa mga pangutana bahin sa kamatayon.
TUBAG SA MGA PANGUTANA BAHIN SA BIBLIYA
Unsa ang Pagkabanhaw?
Lagmit masorpresa ka kon kinsay banhawon.
TUBAG SA MGA PANGUTANA BAHIN SA BIBLIYA
Unsay Mahitabo sa Tawo Inigkamatay?
Nahibalo ba ang mga patay sa nagakahitabo sa ilang palibot?
