Abril 19, 2000

Usa ka Adlaw nga Angayng Handomon

SA GABII una siya mamatay, gisugdan ni Jesus ang memoryal sa iyang kamatayon. Kadto usa ka yanong seremonya. Nianang panahona giingnan niya ang iyang mga tinun-an: “Padayong buhata kini sa paghandom kanako.”​—Lucas 22:19.

Ning tuiga ang anibersaryo niining hitaboa natunong sa Miyerkoles, Abril 19, human sa pagsalop sa adlaw.

Tungod niini, ang mga Saksi ni Jehova sa tibuok kalibotan magtigom niining espesyal nga gabii aron sa pagsaulog niining maong Memoryal sa paagi nga gisugo ni Jesus. Ikaw mainiton gayong gidapit sa pagduyog kanila ingong mga maniniid. Palihog susiha sa mga Saksi ni Jehova sa inyong dapit ang eksaktong oras ug dapit sa maong tigom.