Nahibalo Ka Ba?

(Ang mga tubag niini nga pasulit hikaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 19.Alang sa dugang impormasyon, tan-awa ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)

1. Sa kamingawan unsang mga pulong ang gigamit alang sa pinuy-anan ni Moises ug sa sagradong tabernakulo? (Exodo 33:7; 39:40)

2. Diin nahimutang ang templo ni Artemis, nga giisip nga usa sa pito ka kahibulongan sa karaang kalibotan? (Buhat 19:​26, 27)

3. Unsa ang titulo sa Babilonyanhong opisyal nga ubos sa satrapa? (Daniel 2:48)

4. Ubos sa Moisesnong Balaod, unsang bahin ang igahatag ngadto sa mga Levihanon, ug ngano? (Deuteronomio 26:12)

5. Kinsa ang kanhi bigaon nga nahimong katigulangan ni Jesus? (Mateo 1:5)

6. Diin nga siyudad nakaila ni Pablo si Aquila ug Priscila? (Buhat 18:​1-3)

7. Unsang “dayandayan” ang gisugyot ni Pedro alang sa Kristohanong kababayen-an? (1 Pedro 3:​3, 4)

8. Unsang buluhaton ang angayng pagabuhaton sa dili pa moabot ang kataposan niining sistema sa mga butang? (Mateo 24:14)

9. Ang ngalang Cesar nahimong harianong titulo nga katumbas sa unsa?

10. Unsang iladong bahin sa espirituwal nga armadura sa Kristohanon ang makapaarang niya sa ‘pagpalong sa tanang nagdilaab nga mga udyong sa daotan’? (Efeso 6:16)

11. Unsay nagpadagan sa mga sakayan sa karaang kapanahonan? (Ezequiel 27:​6, 7, 29)

12. Unsa ang dili bahin sa ginakaon sa tawo sa wala pa ang Lunop? (Genesis 9:​3, 4)

13. Unsang materyal ang gigamit sa arka aron ang tubig dili makasuhop niini? (Genesis 6:14)

14. Unsay gitawag ni Jesus nga ‘malimbongon,’ nga makatuok sa pulong sa Gingharian ug maghimo sa usa nga “dili mamunga”? (Mateo 13:22)

15. Unsay giingon ni Pedro nga mosangpot sa paglunsay sa kalag sa usa pinaagi sa “pagkamasinugtanon sa kamatuoran?” (1 Pedro 1:22)

16. Sa dihang “gidid-an sa balaang espiritu nga isulti ang pulong didto sa distrito sa Asia” sa iyang ikaduhang misyonaryong paglibot, diin moadto si Pablo? (Buhat 16:6)

17. Unsang silaba nga itapot sa sinugdanan sa pulong, nga nagkahulogang “anak nga lalaki,” ang kasagarang makita sa Hebreohanong mga ngalan? (Genesis 35:18)

18. Unsay nahitabo kang Haring Uzzias human sa iyang mapangahasong buhat sa paghalad ug insenso sa templo? (2 Cronicas 26:​19-21)

19. Ang opisyal nga besti sa usa ka manalagna kasagarang ginama sa unsa? (2 Hari 1:8; Mateo 3:4)

20. Kinsa ang Cesar nga lagmit nagpapatay kang Pablo?

21. Kinsa ang unang tawo nga tinong gitaho nga migamit sa ngalan sa Diyos? (Genesis 4:1)

 Mga Tubag sa Pasulit

1. “Tolda nga tagboanan”

2. Sa Efeso

3. Prepekto

4. Ikapulo. Tungod kay wala silay panulondon sa yuta kondili ginahin alang sa pag-alagad sa sangtuwaryo

5. Rahab

6. Corinto

7. “Ang malinawon ug malumong espiritu”

8. Ang “maayong balita sa gingharian” igawali sa tibuok yuta

9. Emperador

10. “Ang dakong taming sa pagtuo”

11. Mga layag ug mga bugsay

12. Unod sa hayop

13. Salong

14. Ang “gahom sa mga bahandi”

15. “Dili-salingkapaw nga inigsoong pagbati”

16. “Sa Frigia ug sa yuta sa Galacia”

17. Ben

18. Gihampak siya ni Jehova sa sanla

19. Balhibo sa kamelyo o kanding

20. Nero

21. Eva