“Ako Nagiyan sa Inyong mga Magasin”

Ang usa ka sulat nga nadawat dili pa dugay sa sangang buhatan sa Watch Tower Society sa Alemanya mabasa sa bahin:

“Angkonon ko gayod nga ako nagiyan sa inyong mga magasin. Ang samang butang mahitabo sa matag tuig. Sa dayon nang mogikan paingon sa bakasyon, ako nakahukom sa paglain ug duha ka kinabag-ohang gula aron dunay mabasa didto sa baybayon. Hugot ko kanang desisyon!

“Apan sa dihang anaa na kini sa akong mga kamot, mosugod dayon ang problema. Buot ko lang tan-awon ang kaundan. Waw, usa ka sugilanon sa kinabuhi! Buweno, basahon ko lang ni agig pangpagana apan kini ra. Ugaling, ang sunod nga artikulo morag ilabinang makapainteres. Igo na! Gikinahanglan ko ang mga magasin aron dunay mabasa panahon sa bakasyon. O sige, mobasa na lang kog usa ka artikulo. Ug ang mga ulohan sa ‘Pagpaniid sa Kalibotan’ kanunayng matulon-anon kaayo! Sa kataposan, sama tingali sa imong gituohan, sa dihang atua na ako sa baybayon, nahurot na nakog basa ang tanang artikulo.”

Ang kamadanihon sa Pagmata! gipasundayag sa kamatuoran nga duolag 20,300,000 ka kopya ang gipatik sa matag gula diha sa 82 ka pinulongan. Ang mga magbabasa nahimuot sa positibong panglantaw niini. Ang seksiyong “Kon Nganong Gipatik ang Pagmata!,” nga makita sa matag gula niini, nagsaysay nga “kining magasina mougmad sa pagsalig sa saad sa Maglalalang sa makigdaiton ug may-kasegurohang bag-ong kalibotan.”

Apan, daghan ang mangutana, ‘Nganong gitugotan sa Diyos ang pag-antos sa taas nga panahon?’ Kanang pangutanaha gitubag sa brosyur nga Tinuod Bang May Pagtagad ang Diyos Kanato? Makahangyo kag usa ka kopya pinaagi sa pagpil-ap ug pagpadala sa nagaubang kupon ngadto sa adres nga gipakita sa kupon o sa nahiangayng adres nga gilista sa panid 5 niining magasina.

□ Interesado ako nga makadawat ug kopya sa brosyur nga Tinuod Bang May Pagtagad ang Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.