Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 19. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Aron itago ang iyang sala kang Bat-seba, unsay gibuhat ni David ingong kataposang paagi? (2 Samuel 11:15-​17)

2. Gikan sa unsa gibuhat ang unang babaye? (Genesis 2:22)

3. Gitandi ni Pedro ang mga lihok niadtong mobiya sa “dalan sa pagkamatarong” ngadto sa mga kinaiya sa unsa nga mga hayop? (2 Pedro 2:​21, 22)

4. Gisugdan ang “pagtawag sa ngalan ni Jehova” sa panahon ni kinsa? (Genesis 4:26)

5. Kinsa ang unang hari sa Israel, ug unsay ngalan sa iyang amahan? (Buhat 13:21)

6. Ilalom sa Moisesnong Balaod, labing menos pila ka saksi ang gikinahanglan aron ang usa ka tawo mahukman sa kamatayon? (Deuteronomio 17:6)

7. Ngadto kang kinsa ang giingon ni Pablo nga “utang sa tanang kabanayan sa langit ug sa yuta ang ngalan niini”? (Efeso 3:​14, 15)

8. Sa unsa ilado ang mga anak nga lalaki ni Lamek nga si Jabal ug Jubal? (Genesis 4:​20, 21)

9. Sumala sa gipamatuod ni Santiago ug Pedro, ngadto kang kinsa ihatag sa Diyos ang “dili-takos nga kalulot”? (Santiago 4:6; 1 Pedro 5:5)

10. Diha sa iyang ilustrasyon bahin sa magkukulon ug sa iyang yutang kulonon, unsang mga ekspresyon ang gigamit ni Pablo sa pagpaila sa daotan ug sa matarong? (Roma 9:22-24)

11. Ngadto kang kinsa nga Cesar nga si Pablo miapelar? (Buhat 25:​11, 21)

12. Ilalom sa Moisesnong Balaod, unsang duha ka butang ang kinahanglang makita diha sa hayop aron kana maklasipikar ingong hinlo ug mahimong kaonon? (Levitico 11:​2, 3)

13. Unsa ang unang letra sa Hebreohanong alpabeto? (Salmo 119, superskripsiyon)

14. Unsay kinahanglang buhaton sa tanang Israelinhon sa mga sidsid sa ilang mga besti aron magpahinumdom kanila nga sila gilain ingong usa ka katawhan nga balaan kang Jehova? (Numeros 15:38-41)

15. Sa pagsunod sa pagtultol ni Jehova, gibiyaan ni Abram ang unsang siyudad aron mopanaw paingon sa yuta sa Canaan? (Genesis 15:7)

16. Nganong si Simon nga Pariseo wala mouyon sa dihang ang usa ka babaye mabinationg mihalok sa mga tiil ni Jesus ug mihaplas niini ug pinahumotan nga lana? (Lucas 7:37-39)

 Mga Tubag sa Pasulit

1. Iyang gihikay nga mapatay si Urias sa panggubatan

2. Usa ka gusok nga gikuha kang Adan

3. Iro ug baboy

4. Enos

5. Saul, Kis

6. Duha

7. “Sa Amahan,” si Jehova nga Diyos

8. Sila nahimong mga mag-uugda sa nagapanaw nga mga magbalantay sa kahayopan ug mga musikero

9. “Sa mga mapainubsanon”

10. “Mga sudlanan sa kapungot” ug “mga sudlanan sa kaluoy”

11. Nero

12. Kini kinahanglang nagapangusap sa kinaon ug pikas ug kuko

13. Aleph

14. Kinahanglang maghimo sila ug borlas sa sidsid nga may asul nga kordon sa ibabaw sa sidsid

15. Ur sa mga Caldeanhon

16. Siya nailhang usa ka makasasala, nga nagkinabuhing imoral, ug bisan pa niana gitugotan siya ni Jesus sa paghikap kaniya