Nahibalo Ka Ba?

(Ang mga tubag niining maong pasulit makita diha sa mga teksto sa Bibliya nga gisitar, ug ang kompletong lista sa mga tubag gipatik sa panid 19. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Unsay madawat sa mga sumusunod ni Jesus sa dihang dihogan sila ug balaang espiritu? (Hebreohanon 3:1)

2. Nganong gihatag ni Jehova ang matilimad-ong ngalan nga Lo-ami sa ikaduhang anak ni Oseas pinaagi sa iyang asawa nga si Gomer? (Oseas 1:9)

3. Sumala kang Santiago, unsang hiyasa ang unang ipatungha sa langitnong kaalam diha sa usa ka tawo? (Santiago 3:17)

4. Unsay gibuhat dihadiha ni Nabucodonosor human hubara ni Daniel ang kahulogan sa iyang gidamgo nga larawan? (Daniel 2:​46, 47)

5. Unsang mga kolor sa tina ang kasagarang gigamit diha sa tabernakulo ug alang sa mga besti sa mga saserdote? (Exodo 28:6)

6. Sa iyang hilabihang kasakit, ang salmista mibati nga nahisama siya sa unsang mga langgama? (Salmo 102:6)

7. Unsang ganghaan ang giingon ni Jesus nga angayng sudlan sa usa aron makita “ang dalan padulong sa kinabuhi”? (Mateo 7:​13, 14)

8. Nganong gitabonan ni Moises ang iyang nawong sa dihang naghatag sa mga sugo sa Diyos ngadto sa mga anak sa Israel? (Exodo 34:35)

9. Bisan tuod si Amasa midapig kang Absalom sa pagrebelde batok kang David, unsang rason ang gihatag ni David sa paghatag kaniya sa katungdanan ni Joab ingong pangulo sa kasundalohan? (2 Samuel 19:13)

10. Uban sa unsa nga mahulog ang mana nga milagrosong nadawat sa mga Israelinhon ingong pagkaon didto sa kamingawan? (Numeros 11:9)

11. Sa unsang paagi gisulayan paglaang sa mga Pariseo si Jesus aron moalsa batok sa Roma? (Mateo 22:15-21)

12. Sa unsang paagi gitagoan ni Jokebed ang iyang tulo-ka-bulang “ambongan” nga bata ug sa ingon nagluwas sa iyang kinabuhi? (Exodo 2:2-10)

13. Unsay gisugo ni Balaam kang Balak nga buhaton diha sa kada usa sa tulo ka tag-as nga mga dapit? (Numeros 23:​1, 14, 29)

14. Pila ka anak ni Haman ang gipamatay sa mga Hudiyo diha sa kastilyo sa Susan? (Ester 9:12)

15. Unsang talagsaong mga butang ang nahitabo sa dihang nagtigom ang mga tinun-an ni Jesus sa Jerusalem sa adlaw sa Pentekostes 33 K.P.? (Buhat 2:2-6)

16. Unsay pasumangil ni Jonatan kang Saul sa pagpatin-aw kon nganong si David wala mokaon uban kanila? (1 Samuel 20:6)

17. Unsay unang nakita ni Juan sa iyang panan-awon sa pinadayag? (Pinadayag 1:12)

18. Unsay gimantala sa “dakong panon” nga ilang nautang sa Diyos ug sa Kordero? (Pinadayag 7:​9, 10)

19. Sumala kang Pablo, unsay katuyoan sa Moisesnong Balaod, ug sa unsang paagi kini gipadangat? (Galacia 3:19)

20. Unsa ang duha ka butang nga gidid-an ang mga Israelinhon sa pagkaon? (Levitico 3:17)

21. Kinsa ang unang gitaho nga migamit sa ngalan sa Diyos? (Genesis 4:1)

22. Sa karaang Israel, sa unsang paagi gipakita nga ang usa mipili sa pagpabiling ulipon? (Deuteronomio 15:17)

23. Nganong nagmantala si Esdras ug pagpuasa diha sa suba sa Ahava sa Babilonya? (Esdras 8:21)

 Mga Tubag sa Pasulit

1. Ang “langitnong pagtawag” aron mahimong mga hari ug mga saserdote uban ni Jesu-Kristo

2. Sa pagpakita nga gisalikway na Niya ang dili-matinumanong Israel

3. Kaputli, o kahinlo sa kasingkasing

4. Siya mihapa, nagpasidungog kang Daniel, ug nagdayeg kang Jehova

5. Asul, morado, sanag nga pula gikan sa coccus

6. Pelikano ug gamayng ngiwngiw

7. “Ang sigpit nga ganghaan”

8. Kini “misilaw” human makigsulti ang Diyos kaniya

9. Si David miingon nga siya maoy iyang “bukog” ug iyang “unod”

10. Yamog

11. Pinaagi sa pagpangutana kon “subay ba sa balaod nga mobayad ug buhis por ulo ngadto kang Cesar”

12. Gibutang niya ang bata sa dili-matuphag tubig nga arkang papiro diha sa suba sa Nilo, diin nakit-an siya sa anak nga babaye ni Paraon

13. Gisugo siya sa pagtukod ug pito ka halaran ug paghalad ug usa ka torong baka ug usa ka laking karnero ibabaw sa matag usa niini

14. Napulo

15. Dihay kabanha gikan sa langit, nakita ang “mga dila nga maorag kalayo” nga mipatong sa matag usa ka tinun-an, ug ang mga tinun-an napuno sa balaang espiritu ug misugod sa pagsulti sa lainlaing mga pinulongan

16. Siya miingon nga si David miadto sa Betlehem aron motambong sa tinuig nga paghalad nga himoon sa iyang pamilya

17. Pito ka tangkawan nga bulawan

18. Kaluwasan

19. Aron “madayag ang mga kalapasan.” “Kini gipadangat pinaagi sa mga manulonda pinaagi sa kamot sa usa ka tigpataliwala”

20. Tambok ug dugo

21. Eva

22. Ang dalunggan sa ulipon tusokon ug hilihod

23. Aron ang namalik nga mga Hudiyo magpaubos sa ilang kaugalingon sa atubangan ni Jehova ug mangita “sa matul-id nga dalan” gikan kaniya