Nahibalo Ka Ba?

(Ang mga tubag niining maong pasulit makita diha sa mga teksto sa Bibliya nga gisitar, ug ang kompletong lista sa mga tubag gipatik sa panid 20. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Sumala kang Pedro, unsang mga butanga ang “nagapakigsangka batok sa kalag”? (1 Pedro 2:11)

2. Human maulii sa iyang maayong pangisip, unsa ang giila ni Haring Nabukodonosor bahin kang Jehova? (Daniel 4:​34, 35)

3. Nganong “walay gitugotan [si Jesus] nga dunay magdalag galamiton agi sa templo”? (Marcos 11:16)

4. Unsay hagit ni Haring Senakerib sa Asirya kang Haring Ezequias sa Juda? (2 Hari 18:23)

5. Unsay gidasig ni Jesus nga himoon inay sa paghimog bisan unsa lamang nga mga panumpa? (Mateo 5:37)

6. Sumala sa Moisesnong Balaod, unsay pagahimoon, bisan ngadto sa usa ka suod nga paryente, nga nagsugyot ug pag-alagad sa ubang mga diyos? (Deuteronomio 13:6-10)

7. Gipasaligan ni Jehova si Abraham nga dili niya laglagon ang Sodoma ug Gomora kon unsang kataposang gidaghanon sa mga tawong matarong ang makaplagan didto? (Genesis 18:32)

8. Sa unsang paagi namatay si Haring Saul? (1 Samuel 31:​3, 4)

9. Nganong gipatay man si Uzah sa dihang misulay siya sa pagkupot sa Arka aron dili kini malintuwad? (Numeros 4:​15, 19, 20; 2 Samuel 6:​6, 7)

10. Unsang siyudara sa Macedonia ang ginganlan sa ngalan sa Gregong diyos nga adlaw? (Buhat 17:1)

11. Unsa nga pamulong sa Bibliya ang nagpaila sa direksiyon nga gikan sa sidlakan? (Pinadayag 16:12)

12. Pila ka tuig nga nagmando si David ingong hari ibabaw sa Israel?

13. Diin man mipahulay si Jesus sa dihang nakig-estorya siya sa babaye nga taga-Samaria? (Juan 4:6)

14. Nganong kinahanglan mang ‘likayan ang mga sulting walay-pulos nga nagpasipala kon unsay balaan’? (2 Timoteo 2:16)

15. Unsay mga ngalan sa tulo ka anak nga lalaki ni Noe? (Genesis 10:1)

16. Sa walay duhaduha, kinsa sa 11 ka maisog nga mga Gadhanon nga “mibulag dapig kang David” didto sa kamingawan ang giingong “katumbas sa usa ka libo”? (1 Cronicas 12:8-14)

17. Unsang maluloton nga pulong ang gisulti ni Jesus sa dihang wala siya paluyohi sa iyang mga tinun-an pinaagi sa pagkatulog sa gabii sa pagbudhi kaniya? (Marcos 14:38)

18. Si Jesus naggikan sa kaliwat ni kinsang haria sa Israel? (Roma 1:3)

19. Kinsang upat ka babaye ang espesipikong gihisgotan nga miadto sa lubnganan ni Jesus aron haplasan ang iyang lawas ug mga yerbang-paalimyon? (Marcos 16:1; Lucas 24:10)

 Mga Tubag sa Pasulit

1. “Unodnong mga tinguha”

2. Ang iyang pagmando maoy “hangtod sa panahong walay tino,” ug walay makapugong kaniya sa pagpatuman sa iyang katuyoan

3. Tungod kay ilang gigamit ang sawang sa templo ingong laktoranan paingon sa ubang mga dapit sa siyudad

4. Ang pagdawat ug 2,000 ka kabayo ug tan-awon kon iya bang mabutangan ug mga mangangabayo kini sila

5. “Himoa lang ang inyong pulong nga Oo magkahulogan ug Oo, ang inyong Dili, Dili”

6. Siya pagapatyon

7. Napulo

8. Kay grabeng nasamdan sa mga magpapana nga Filistehanon, nagpakamatay siya pinaagi sa pag-ubo sa iyang espada

9. Ang sugo sa Diyos mao nga sa bisan unsang kahimtang ang Arka dili gayod hikapon sa dili-awtorisadong mga tawo

10. Apolonia

11. “Gikan sa silangan sa adlaw”

12. 40

13. Sa tuboran ni Jacob

14. “Sila mosamot pa gayod pagkadili-diyosnon”

15. Si Sem, Ham, ug Japet

16. Si Ezer

17. “Hinuon, maikagon ang espiritu, apan maluya ang unod”

18. David

19. Si Maria Magdalena, Salome, Juana, ug si Maria nga inahan ni Santiago