“Nakatandog Kini Pag-ayo sa Akong Kasingkasing”

Sa unsang paagi mabatonan nimo ang suod nga relasyon uban sa Diyos? Daghan ang natabangan sa publikasyon nga Pakigsuod Kang Jehova. Pananglitan, usa ka babaye nga Saksi ni Jehova sulod na sa mga 25 ka tuig miingon: “Kining libroha maoy usa ka obra maestra.” Siya nagpadayon: “Nakatandog kini pag-ayo sa akong kasingkasing ug nakapabati kanako ug kasibot alang kang Jehova nga wala pa gayod nako batia sukad. Kini nakapasuod kanako kang Jehova, sa akong bana, ug sa kongregasyon.”

Ang librong Pakigsuod Kang Jehova makatabang usab kanimo. Sa pasiuna niini ang libro nag-ingon: “Ang mga hiyas ug paagi sa Diyos, sumala sa gipadayag diha sa Bibliya, maoy bililhong ulohan nga pagatun-an. Ang pagpalandong sa paagi sa pagpadayag ni Jehova sa matag usa sa iyang mga hiyas, pagkakita kon sa unsang paagi hingpit kining gipabanaag ni Jesu-Kristo, ug ang pagsabot kon sa unsang paagi maugmad usab nato kini sila makapasuod kanato sa Diyos.”

Kon buot nimo ug kopya sa librong Pakigsuod Kang Jehova, palihog pil-api ang kupon sa ubos ug ipadala kini ngadto sa adres nga gitagana o sa haom nga adres nga nalista sa panid 5 niining magasina.

□ Interesado akong makadawat ug kopya sa librong Pakigsuod Kang Jehova.

□ Palihog kontaka ako mahitungod sa usa ka libreng pagtuon sa Bibliya sa balay.