Tabang Alang sa mga Suliran sa Pamilya

Usa ka babaye sa Veracruz, Mexico, ang nakadawat ug magasing Pagmata! nga naghisgot bahin sa usa ka suliran nga nag-apektar sa iyang pamilya. “Naikag kaayo ako niini,” siya misulat, “tungod kay naagoman ko ang maong suliran.” Ang iyang sulat ngadto sa sangang buhatan sa mga Saksi ni Jehova nagpadayon sa pag-ingon: “Kini nga impormasyon makatabang kanako ug sa akong bana ug mga anak usab.”

Ang babaye dunay gihangyo: “Gusto ko nga mahibalo ug dugang bahin sa mga Saksi ni Jehova ug kon asa ang kinadul-ang kongregasyon. Gusto ko nga motambong uban sa akong pamilya tungod kay nagtuo ko nga kinahanglan namong mas masuod sa Diyos.” Ang babaye nakadayeg kaayo sa libro nga Ang Sekreto sa Kalipay sa Pamilya nga gipresentar diha sa kataposang panid sa isyu sa Pagmata! Busa mihangyo siya ug kopya niana.

Ang maong libro adunay mga impormasyon alang sa tanang membro sa pamilya​—mga bana, asawa, ginikanan, anak, apohan​—oo, alang gayod sa tanan. Apil sa matulon-anong mga kapitulo niini mao ang “Bansaya ang Inyong Anak Sukad sa Pagkabata,” “Tabanging Mouswag ang Inyong Anak nga Tin-edyer,” “Panalipdi ang Inyong Pamilya Gikan sa Makadaot nga mga Impluwensiya,” ug “Mentinaha ang Kalinaw sa Inyong Panimalay.”

Mahimo kang mohangyo ug kopya niining maong libro pinaagi sa pagpil-ap sa nagaubang kupon ug pagpadala niini ngadto sa adres nga gipakita diha sa kupon o sa nahiangayng adres nga gilista sa panid 5 niining magasina.

□ Interesado akong makadawat ug kopya sa libro nga Ang Sekreto sa Kalipay sa Pamilya.

□ Palihog kontaka ako mahitungod sa libreng pagtuon sa Bibliya sa balay.