Kini Nakahupay Kaniya

Usa ka batan-on nga taga-Japan nagsulat dili pa dugay bahin sa pagkaagom niya ug depresyon bisan sa wala pa siya matin-edyer. Sumala pa sa babaye, ang nakahupay kaniya mao ang hulagway sa usa ka bata nga gihalog sa iyang amahan, nga gipatik diha sa among kaubang magasin nga Ang Bantayanang Torre. Ang kapsiyon nag-ingon: “Sama sa mabinationg halog sa usa ka mahigugmaong amahan, ang mga paghupay ni Jehova makahupay sa atong kabalaka.”

Ang babaye miingon nga ang pagbasa sa libro nga Pagkakat-on Gikan sa Dakong Magtutudlo nakapahupay usab kaniya. Sa unsang paagi? “Gisulat kini sa paagi sa usa ka amahan nga nakigsulti sa iyang gamayng anak. Sa dihang nagbasa niini, gibati ko nga daw gihalog ako ni Jehova, ug dili nako mapugngan ang pagpanglugmaw sa akong mga luha. Usahay gusto lang nako nga may usa nga mamati kanako ug usahay gusto nako nga may makigsulti kanako aron ako mamati kaniya. Apan dili na ako bata nga puwede rang mohangyo sa uban sa paghalog kanako o sa pagpakigsulti kanako. Busa, sa pagkakaron, gihimo kini ni Jehova alang kanako pinaagi sa libro.”

Kining 256-panid nga libro nga may nindot nga mga hulagway giluwatan sa miaging tuig. Makadawat kag kopya pinaagi sa pagsulat sa kupon sa ubos ug pagpadala niana ngadto sa adres nga gipakita diha sa kupon o sa nahiangayng adres nga gilista sa panid 5 niining magasina.

□ Interesado akong makadawat ug kopya sa libro nga Pagkakat-on Gikan sa Dakong Magtutudlo.

□ Palihog kontaka ako mahitungod sa usa ka libreng pagtuon sa Bibliya sa balay.