Tabang sa Pagsagubang sa Kaguol

◼ Usa ka babaye ang namatyan ug amahan sa dihang 12 anyos pa siya. Bisag dugay nang namatay ang iyang amahan, nalisdan gihapon siya sa pagsagubang sa iyang kaguol. Sa iyang sulat sa sangang buhatan sa mga Saksi ni Jehova sa Canada, siya miingon:

“Nahupayan lang ko sa dihang ako nang nabasa ang brosyur nga Sa Dihang ang Imong Minahal Mamatay ug kini nakatabang kanako sa pagsagubang sa akong kaguol. Makahilak gihapon ko sa dihang mingawon ko ni Papa. Apan human makabasa, makapamalandong, makaampo, ug makahilak samtang nagbasa sa brosyur ug mga teksto, dili na kaayo ko maguol sama kaniadto, ug mahupayan na ako karon sa mga saad sa Diyos.

“Bililhon gayod kanako ang mensahe ug mga teksto nga gihisgotan niini nga brosyur, tungod kay nakatabang kini nga maulian ako sa akong kaguol. Arang-arang na ang akong gibati karon. Kini nga brosyur makatabang gayod sa pagsagubang sa kaguol.”

Namatyan ka bag minahal sa kinabuhi? Naguol ka pa ba gihapon? Nagkinahanglan ka bag tabang sa pagsagubang sa imong kaguol? Unsay giingon sa Bibliya bahin sa paglaom sa mga patay? Basin ikaw o kaha may kaila ka nga mahupayan sa pagbasa sa 32-panid nga brosyur nga Sa Dihang ang Imong Minahal Mamatay. Makahangyo kag kopya niini pinaagi sa pagpil-ap sa kupon sa ubos ug pagpadala niini ngadto sa adres nga makita diha sa kupon o sa tukmang adres nga gilista sa panid 5 niining magasina.

□ Interesado akong makadawat ug kopya sa brosyur nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.