Kini Nakatabang Kanila sa Paggamit sa Ilang Kinabuhi sa Mas Mapuslanong Paagi

◼ Ang librong “Umari Ka, Mahimong Akong Sumusunod” nakatandog gayod sa mga nakabasa niini. “Si Jesus nahimong mas tinuod alang kanako,” nag-ingon ang usa ka babaye. “Mas nasabtan nako ang iyang papel. Gusto kong magkinabuhi ug mas mapuslanong kinabuhi karon ug makigbahin sa pagsangyaw sa maayong balita nga gikinahanglan gayod sa mga tawo.”

Usa ka amahan misulat: “Kining libroha nakapaamgo kanako nga hinungdanon kaayo ang pagsundog sa panig-ingnan ni Jesus . . . Tungod niining libroha ako nakakat-on sa pagpamalandong sa mga pagtulon-an ni Jesus ug sa mga hiyas nga iyang gipakita sa dinhi pa siya sa yuta sama sa pagkamapaubsanon, pagkamahigugmaon, pagkamapailobon, pagkamasinugtanon, ug pagkamalahutayon. Si Jesus naghatag ug maayo kaayong panig-ingnan nga nakadasig kanako sa pagpadayon.”

Ang laing magbabasa miingon nga miuyon gayod siya sa makita diha sa likod nga hapin sa libro, nga sa bahin nag-ingon: “Si Jesu-Kristo mao ang hinatag-sa-Diyos nga Pangulo nga gikinahanglan sa tanang tawo. . . . Kining basahona makatabang kanimo nga mas mailhan si Jesus ug masunod siya pag-ayo.” Dayon ang maong magbabasa miingon, “Kining libroha makatabang gayod kanato sa paghigugma kang Jesus, sa pagpasundayag ug pagtuo kaniya, ug sa pagsugot ug pagsunod kaniya.”

Ang librong “Umari Ka, Mahimong Akong Sumusunod” adunay 192 ka panid ug may 13 ka tibuok panid nga mga hulagway nga nagpakita sa nagkalainlaing bahin sa kinabuhi ni Jesus dinhi sa yuta. Makahangyo kag kopya niining libroha pinaagi sa pagpil-ap sa kupon ug sa pagpadala niini ngadto sa adres nga makita diha sa kupon o sa nahiangayng adres nga nalista sa panid 5 niining magasina.

□ Interesado akong makadawat ug kopya sa libro nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.