PANGUNANG TOPIKO | KONTROLADO BA NIMO ANG IMONG KINABUHI?
Ang Problema: Dili Mausab nga mga Kahimtang
IKAW ba dunay sakit nga magsugmat-sugmat? Gibulagan ug kapikas? Namatyag minahal sa kinabuhi? Kon nag-atubang kag kahimtang nga dili na mausab, tingali wala na kay mahimo kondili mangandoy na lang nga unta mabag-o ang imong kahimtang. Unsay imong himoon aron makontrolar nimo pag-usab ang imong kinabuhi?
PANANGLITAN SA BIBLIYA: PABLO
Sa unang siglo, si apostol Pablo daghag gihimong pagbiyahe ingong madasigong misyonaryo. Apan nahunong ang iyang mga pagbiyahe dihang siya gidakop bisag walay sala ug gibilanggo sa balay sulod sa duha ka tuig nga binantayan ug sundalo. Imbes maluya, gipokus ni Pablo ang iyang hunahuna sa mga butang nga puwede pa niyang mahimo. Iyang gitabangan ug gipalig-on sa espirituwal ang tanang moduaw kaniya. Nakahimo pa siyag daghang sulat nga nahimong bahin sa Bibliya.—Buhat 28:30, 31.
ANG GIHIMO NI ANJA
Sa nahisgotan na, si Anja dili na makagawas-gawas sa balay. “Dihang nadayagnos nga ako may kanser, nausab ang akong kinabuhi,” siya miingon. “Kay mahadlok kong matakdan ug ubang sakit, miundang ko pagtrabaho ug naglikay sa mga tawo.” Giunsa niya kini pagsagubang? “Ang pag-usab sa akong adlaw-adlaw nga kalihokan nakatabang nako,” siya miingon. “Giuna nako ang mga butang nga labing importante ug gieskedyul nako ang mga buluhaton nga puwede pa nakong mahimo. Kini nakapabati nako nga medyo kontrolado gihapon nako ang akong kinabuhi.”
‘Akong nakat-onan nga bisan unsa man ang akong kahimtang, ako magmakontento.’
ANG IMONG MAHIMO
Kon ang imong kinabuhi daw gikontrolar na sa dili mausab nga kahimtang, sulayi kini:
-
Hunahunaa ang mga butang nga puwede nimong makontrolar. Pananglitan, tingali wala na kay mahimo sa imong panglawas, pero makahimo pa ba ka sa pag-ehersisyo, pagkaog sustansiyadong kalan-on, ug pagpahulay ug sakto?
-
Tinoa kon unsay imong gustong makab-ot sa kinabuhi. Anam-anama kini pagkab-ot. Paggugol ug gamayng panahon adlaw-adlaw aron makab-ot nimo ang imong mga tumong.
-
Himoa bisan ang gaan nga mga trabaho nga mopabati kanimo nga medyo kontrolado pa nimo ang imong kinabuhi. Pagtrapog lamesa ug paghugas ug plato. Pangareglar sa imong kaugalingon. Unaha pagtrabaho sa buntag ang pangunang buluhaton.
-
Hunahunaa ang mga kaayohan sa imong kahimtang. Pananglitan, tungod sa imong situwasyon may nakat-onan ka bang mga paagi kon unsaon pagsagubang sa mga problema? Magamit ba nimo kini sa pagtabang sa uban?
Ang Punto: Tingali dili na nimo makontrolar ang imong kahimtang, pero tingali makontrolar pa nimo ang imong pagsanong niini.
Basin Ganahan Pod Ka
TUBAG SA MGA PANGUTANA BAHIN SA BIBLIYA
Kon May Laygay nga Sakit—Makatabang ba ang Bibliya?
Oo! Sayra ang tulo ka paagi nga makatabang nimo sa pagsagubang sa laygay nga sakit.
PAGMATA!
Ang Giingon sa Bibliya Bahin sa Pag-antos
Ang Diyos ba may pagtagad sa atong mga pagsulay ug pag-antos?
ANG BANTAYANANG TORRE
Sa Dihang ang Imong Anak May Diperensiya
Tagda ang tulo ka hagit nga lagmit imong maatubang ug kon sa unsang paagi ang kaalam sa Bibliya makatabang.
ANG BANTAYANANG TORRE
Sa Dihang ang Imong Kapikas May Linaing mga Panginahanglan
Basaha ang tulo ka sugyot na makatabang sa magtiayon sa dihang ang kapikas grabeng masakit.
ANG BANTAYANANG TORRE
Pagsagubang sa mga Hagit Human sa Diborsiyo
Halos tanang nagdiborsiyo nakaamgo nga mas lisod diay ang kinabuhi human sa diborsiyo kay sa ilang gidahom. Ang praktikal nga tambag sa Bibliya makatabang nimo sa pagsagubang.
ANG BANTAYANANG TORRE—TUN-ANANG EDISYON
Pagsagubang sa Kamatayon sa Imong Kapikas
Sakit kaayong mawad-ag kapikas ug dugay kining mawala. Tagda kon sa unsang paagi ang paglaom sa pagkabanhaw diha sa Pulong sa Diyos makahupay ug makahatag kanatog paglaom.
