Natubag ba sa science kon sa unsang paagi nagsugod ang uniberso ug ang kinabuhi? Ang simpleng tubag maoy wala. Miingon ang uban nga matubag sa mga siyentista nga nagtuon sa uniberso ang sinugdanan sa uniberso. Pero kini ang giingon ni Marcelo Gleiser, propesor sa astronomy sa Dartmouth College ug usa ka agnostiko *: “Wala gyod namo mapatin-aw ang sinugdanan sa uniberso.”

Bahin sa sinugdanan sa kinabuhi, halos parehas sab ang giingon sa magasing Science News: “Morag imposibleng mahibaloan kon giunsa gyod pagsugod sa kinabuhi dinhi sa Yuta: Kadaghanan sa mga bato ug fossil nga magpamatuod kon unsa gyoy nahitabo sa Yuta sa sinugdan dugay nang nawala.” Ang maong mga komento nagpaila nga wala pa matubag sa science kon sa unsang paagi nagsugod ang uniberso ug ang kinabuhi.

Pero basin makapangutana ka, ‘Kon naay nagdisenyo sa kinabuhi dinhi sa yuta, kinsa ang nagdisenyo niini?’ Tingali nakapangutana sab ka: ‘Kon dunay maalamon ug mahigugmaong Maglalalang, nganong gitugotan niya nga mag-antos ang tawo? Nganong gitugotan niya ang lainlaing klase sa pagsimba? Nganong gitugotan niya nga mohimog daotan ang iyang mga magsisimba?’

Dili matubag sa science ang maong mga pangutana. Pero wala na magpasabot nga dili na nimo makita ang rasonableng mga tubag. Gani, daghan ang nakombinsir sa tubag sa Bibliya.

Kon gusto nimong mahibaloan kon nganong ang ubang siyentista nga nagtuon sa Bibliya motuog Maglalalang, ablihi ang jw.org. Pangitaa ang “hunahuna sa sinugdanan sa kinabuhi.”