Dili Nimo Buot nga Pakyason Kana!

PAKYASON ang unsa? Ang kusog-nagsingabot nga “Mga Mensahero sa Diyosnong Pakigdait” Distritong Kombensiyon sa mga Saksi ni Jehova! Sa kadaghanang dapit ang kombensiyon magsugod sa 8:30 sa buntag sa Biyernes pinaagig awit. Tapos makapaminaw sa makapalig-on-sa-pagtuong mga interbiyo sa bahin nga “Pagpatalinghog Gikan sa Masibotong mga Magmamantala sa Pakigdait,” ikaw malipay sa makapadasig nga pakigpulong nga “Unsay Gikinahanglan sa Diyos Kanato?”

Ang pangunang bahin sa Biyernes sa hapon mao ang makapasibot nga keynote address nga “Atong Papel Ingong mga Mensahero sa Diyosnong Pakigdait.” Dayon ang bahin nga “Pagtabang sa Uban nga Makakat-on sa mga Gibaod sa Diyos” magtanyag ug mga sugyot bahin sa pagtudlo sa mga bag-ohan. Sundan kini sa tukma-sa-panahong simposyum nga “Pagbantay sa Natago nga mga Lit-ag sa Kalingawan.” Ang programa sa Biyernes matapos uban ang mga pakigpulong nga “Sukli ang Yawa​—Ayaw Itugot ang Pakig-indig” ug “Maunongong Nagatuboy sa Integridad sa Pulong sa Diyos.”

Ang programa sa Sabado sa buntag magpasiugda sa kabililhon sa paghimog-tinun-an nga buluhaton sa tulo-ug-bahing simposyum nga “Mga Mensahero nga Nagadala sa Maayong Balita sa Pakigdait.” Ang sesyon tiklopan sa mga diskurso nga “Malipayong Paghatag Sulod sa Organisasyon ni Jehova” ug “Kinabuhi ug Pakigdait Pinaagi sa Pagpahinungod ug Bawtismo,” nga human niana aduna unyay kahigayonan alang sa bag-ong mga disipulo nga mabawtismohan.

Ang presentasyon sa Sabado sa hapon nga “Tagda ang mga Hunahuna ni Jehova sa mga Butang” motubag sa mga pangutana sama sa ‘Ang mga Kristohanon ba nagapakig-ambit sa buluhaton sa pagbahinbahin karong adlawa?’ ug ‘Unsa may panghunahuna sa Bibliya sa silot nga kamatayon?’ Ikaw usab makatagamtam sa makapadasig-kasingkasing nga duha-ug-bahing simposyum nga “Ang Diyos sa Pakigdait Nagatagad Kanimo” ug ilabina ang paniklop nga pakigpulong nga “Pangitaa ang Diyosnong Pakigdait Diha sa Kinabuhing Pamilyahanon.”

Ang programa sa Dominggo sa buntag maglakip sa tulo-ug-bahing simposyum nga “Pag-ila sa Hustong Matang sa mga Mensahero” ug ang pakigpulong nga “Pagpaminaw ug Pagsugot sa Pulong sa Diyos.” Ang programa sa buntag matapos uban ang full-costume nga drama nga magpatungha sa hinungdanong mga leksiyon gikan sa asoy sa Bibliya mahitungod kang Maghuhukom Gideon.

Ang paniklop nga sesyon sa kombensiyon sa Dominggo sa hapon maghisgot sa pakigpulong publiko, nga nag-ulohang “Sa Kataposan Tinuod nga Pakigdait!​—Gikan sa Unsang Tinubdan?” Sa kataposan, ang makapaaghat nga pakigpulong nga “Nagaabante Ingong mga Mensahero sa Diyosnong Pakigdait” mao ang magtapos sa kombensiyon.

Himoa karon ang plano sa pagtambong. Aron makakaplag ug dapit nga labing duol sa imong balay, kontaka ang lokal nga Kingdom Hall sa mga Saksi ni Jehova o pagsulat sa mga magpapatik niining magasina. Ang Disyembre 8 nga isyu sa Pagmata! maglista sa mga adres sa tanang kombensiyon sa Pilipinas.