Ang Labing Hinungdanong Hitabo sa Kasaysayan

KINI mao ang kamatayon ni Jesu-Kristo. Nganong hinungdanon man kini kaayo? Tungod sa daghang katarongan.

Ang pagkamatinumanon ni Jesus hangtod sa kamatayon nagpamatuod nga ang usa ka tawo makahupot ug integridad ngadto sa Diyos.

Ang kamatayon ni Kristo naghatag ug kahigayonan sa pipila aron mahimong kaubang mga magmamando uban kaniya sa langit. Nagbukas usab kini sa dalan aron daghan pa ang makatagamtam ug kinabuhing walay kataposan sa yutan-ong paraiso.

Nianang gabhiona sa wala pa siya mamatay, si Jesus migamit ug tinapayng walay lebadura ug binong pula ingong mga simbolo sa iyang mahigugmaon nga tawhanong halad. Ug iyang gisultihan ang iyang mga tinun-an: “Ipadayon ninyo ang pagbuhat niini sa paghandom kanako.” (Lucas 22:19) Hinumdoman ba nimo kining hinungdanong hitabo?

Ang mga Saksi ni Jehova mainitong nagdapit kanimo sa pagduyog kanila sa pagsaulog sa Memoryal sa kamatayon ni Jesus. Karong tuiga ang petsa alang niining maong pagsaulog maoy Huwebes, Marso 28, human sa pagsalop sa adlaw. Mahimo kang motambong sa Kingdom Hall nga labing duol sa imong balay. Palihog tinoa sa mga Saksi ni Jehova sa inyong dapit ang eksaktong oras ug tigomanan.