Sa pagsugod sa tuig 2023, kitang tanan naglaom nga naay mahitabong maayong mga butang para kanato ug sa atong pamilya. Nganong makalaom ta niana?

 Ang Bibliya naghisgot sa maayong balita nga ang mga problema nga atong giatubang karon temporaryo lang ug nga sa dili madugay kini matapos na. Gani, ang Bibliya “gisulat aron tudloan ta, aron nga pinaagi . . . sa paghupay gikan sa Balaang Kasulatan kita makabatog paglaom.”—Roma 15:4.

•   Aron makakat-on ug dugang bahin sa mga saad sa Bibliya, basaha ang artikulong “Tinuod nga Paglaom Alang sa Mas Maayong Kaugmaon.”

 Ang paglaom nga gihatag sa Bibliya maoy samag “angkla sa atong kinabuhi.” (Hebreohanon 6:19) Ang maong paglaom motabang nga dili ta matarog. Motabang ni nato nga makalahutay sa atong presenteng mga problema, makabaton ug positibong panghunahuna, ug mobatig tinuod nga kalipay. Pananglitan:

•   Sayra kon sa unsang paagi ang paglaom nga gihatag sa Bibliya nakatabang sa usa ka tawo nga naay adiksiyon. Tan-awa ang video nga Gilaay Na Ko sa Akong Kinabuhi.

•   Tan-awa kon sa unsang paagi ang paglaom nga gihatag sa Bibliya makatabang nato dihang mamatyan tag minahal. Tan-awa ang video nga Paghupay Alang sa mga Namatyan.

 Daghan ang naglaom nga naay mahitabong maayong mga butang, pero dili sila segurado kon ang ilang gilaoman mahitabo ba gyod. Dili ingon niana ang mga saad sa Bibliya. Ngano? Kay ang mga saad sa Bibliya gikan mismo kang Jehova nga Diyos, a “kinsa dili gyod mamakak.” (Tito 1:2) Si Jehova lang ang naay gahom sa pagtuman sa tanan niyang saad; mahimo niya “ang tanan nga gusto niyang buhaton.”—Salmo 135:5, 6.

 Kinasingkasing ka namong gidapit sa pagpahimulos sa kasaligang paglaom nga gihatag sa Bibliya. Mapalig-on nimo ang imong pagsalig niini pinaagi sa ‘pagsusi pag-ayo sa Balaang Kasulatan.’ (Buhat 17:11) Puwede nimo ning sulayan pinaagi sa among ginatanyag nga libreng pagtuon sa Bibliya nga may instruktor. Sugdi ang 2023 nga punog paglaom!