ISHOMO RYA 09

Hika hihi ya Yehova birabire omu kushaba

ZAANA

Mbehi hine obu ori kuhurira ori kwetenga obuhabuzi? Mbehi hine ekibuzo c’omugasho eki oyine, ekiri kwetenga ecokugarukamu? Mbehi noyetenga kuhumurizibwa? Mbehi nohurira ori kwenda kuhika hihi ya Yehova? Eshara nebasa kukukwasa kutunga ebyokugarukamu by’ebyo bibuzo. Konka shi ni buha buryo burungi obu tushemerire kushabamu? Mbehi Ruhanga nahurira eshara zona? Ni enki eki ori kubasa kukora kugira ngu Ruhanga ahurire eshara zawe? Reka tubirebe.

1. Ni oha owu tushemerire kushaba kandi ni bata oku turi kubasa kumushaba?

Yesu akegesa ku Tata witu w’omu iguru wenka ari we tushemirire kushaba. Yesu akaba nashaba Yehova. Akagira ngu: ‘Ni ahabw’eco mushabe muti: Tata ow’omu iguru.’ (Matayo 6:9) Twashaba Yehova, nitugumya obunywani bwitu na we.

Nitubasa kushaba ebintu byona. Kugira ngu Ruhanga agarukemu eshara zitu tushemerire kushaba tubuganisize n’ebi ari kwenda. ‘Ku turi kushaba ekintu cona nk’oku ari kukunda, natuhurira.’ (1 Yohaana 5:14) Yesu akatuha ecokureberaho kirungi. (Shoma omuri Matayo 6:9-13.) Twashaba aha bikwatirine n’embera zitu, titushemerire kwebwa kusima Ruhanga ahabw’ebi ari kutukorera n’okumushaba kukwasa abandi.

2. Ni bata oku tushemerire kushaba?

Bibuli netuhiga ‘kugambira byona [Ruhanga].’ (Zaaburi 62:8) Obwe rero, eshara zitu zishemerire kuba ziturugire aha mutima. Nitubasa kushaba omu iraka rihango ninga tushabira omu mutima, omu buryo bwona oburi kuhisa Yehova ekitinisa. Nitubasa kushaba eshaha yona n’ahu twakuba turi hona.

3. Ni bata oku Ruhanga ari kugarukamu eshara zitu?

Nazigarukamu omu buryo obutari bumwe. Yehova akatuha Ekigambo ceye, Bibuli, ahu turi kubasa kwiha ebyokugarukamu by’ebibuzo ebi turi kwebuza. Okushoma Ekigambo ca Ruhanga, ‘nibiha obwenge otabwine.’ (Zaaburi 19:7; shoma omuri Yakobo 1:5.) Nabasa kutuha obusinge bw’omu mutima twaba twine ebizibu. Kandi nabasa kutuha obuyambi akoresize abahereza beye omu bwire obu turi kubwetenga.

YEGA BYINGI

Reba oku ori kubasa kushaba omu buryo oburi kushemeza Ruhanga, kandi orebe oku eshara eri kubasa kukugasira.

4. Ruhanga nahurira eshara

Ni enki ekiri kubasa kutwereka ku Ruhanga ari kwikiriza eshara zitu ninga atari kuzikiriza? Zana VIDIYO.

VIDIYO: Mbehi Ruhanga nahurira okushaba kona?—Akacweka (2:42)

Yehova nayenda ngu tumushabe. Shoma omuri Zaaburi ya 65:2, rero muganire ahari ebi bibuzo:

Mbehi notekateka ngu “ohurira okushaba” nayenda ngu omushabe? Ahabw’enki?

Twaba turi kwenda ngu Ruhanga ahurire eshara zitu, tushemerire kugezaho kubaho turi kugendera aha misinge yeye. Shoma omuri Miika 3:4 n’omuri 1 Petero 3:12, rero muganire ahari eki kibuzo:

Nitubasa kukora ki kugira ngu Ruhanga ahurire eshara zitu?

Omu rutaro, embaju zombi nibashaba ngu bije kusingura. Konka shi ni ec’obwenge kutekateka ku Ruhanga ari kubasa kugarukamu ezo shara?

5. Eshara zitu zishemerire kuba ziri kuruga aha mutima

Abantu abamwe bakegesibwa kugarukamu eshara ezi bakwasire omu mutwe ekigambo aha kindi. Konka shi ni ko oku Ruhanga ari kwenda ngu tumushabe? Shoma omuri Matayo 6:7, rero muganire ahari eki kibuzo:

Ni bata oku ori kubasa kwerinda ‘kugarukagaruka omu bigambo bya busha’ waba ori kushaba?

Buri izoba, nobasa kutekateka aha mugisha ogu otungire, rero ogusimira Yehova. Eco ku orakikore, noyija kushaba ebintu ebitari kushushana esande yona, kandi nikija kukurinda kugaragarukamu ebigambo.

Omuzire murungi naba ari kwenda ngu omwana weye amugambire abyihire aha mutima. Yehova na we nayenda ngu tumushabe tubyihire aha mutima

6. Eshara ni ekiconco eki Ruhanga yatuhire

Ni bata oku eshara eri kutugumya omu bwire burungi n’obubi? Zana VIDIYO.

VIDIYO: Eshara netukwasa kwehangana (1:32)

Bibuli neturaganisa ku eshara eri kubasa kutukwasa kugira obusinge bw’omu mutima. Shoma omu Bafilipi 4:6, 7, rero muganire ahari ebi bibuzo:

N’obu burijo eshara etari kubasa kwihaho ebizibu, ni bata oku eri kutukwasa?
Ni biha bintu ebi ori kubasa kugamba omu shara?

Waba nokimanya?

Ekigambo “amina” nikimanyisa ngu,“mazima” ninga shi “kibe kisyoya.” Kwiha omu bwire bwa Bibuli, ekigambo “amina” kikaba nikigambwa aha muheru gw’eshara.—1 Obusingye 16:36.

7. Taho obwire bw’okushaba

Obumwe nituhuga munonga rero kituma twayebwa kushaba. Ni bata oku eshara yabire eri ey’omugasho munonga ahari Yesu? Shoma omuri Matayo 14:23 n’omuri Mako 1:35, rero muganire ahari ebi bibuzo:

Yesu akaba nakora ki kugira ngu atunge obwire bw’okushaba?
Ni ryari obu ori kubasa kushaba?

ABANTU ABAMWE NIBAGAMBA NGU: “Okushaba ni okushisha obwire ahakuba tihariho ori kuhurira eshara.”

Nokitekatekaho enki?

EMPINYE

Eshara erugire aha mutima netuma twahika hihi ya Ruhanga, tugira obusinge bw’omu mutima, kandi tutunga amani agu turi kwetenga ngu tukore ebi Yehova ari kukunda.