ISHOMO RYA 21
Ni bata oku obutumwa burungi buri kuburirwa?
Yehova nayija kukoresa Obukama bweye, omu kumaraho ebizibu byona by’abantu. Obwo butumwa burungi, bushemerire kugambirwa buri muntu wena kugira ngu abumanye. Yesu nayenda ngu abakurasi beye bekwatanise omu murimo g’okugambira abantu bona obwo butumwa burungi! (Matayo 28:19, 20) Ni bata oku Abahamya ba Yehova bari korobera eco kiragiro ca Yesu?
1. Ni bata oku ebiri omuri Matayo 24:14 biri kuhikirira omuri obu bwire?
Yesu akaba yagambire ngu: ‘Engiri egi y’Obukama eryagambwa omu nsi zona okuba ecokuhamya aha mahanga gona.’ (Matayo 24:14) Abahamya ba Yehova nibashemererwa ahakuba bari kwekwatanisa omuri ogo murimo g’omugasho. Nituburira obutumwa burungi omu nsi yona omu ndimi eziri kurenga 1,000! Ogu murimo muhango nigwetenga amani n’okukwatanisa. Tituri kubasa kugukora Yehova yaba atatuyambire.
2. Ni enki eki tushemerire kukora kugira ngu tuburira abantu?
Nituburira hona ahu turi kushanga abantu. Nk’oku Abakristo b’omu kinyigana c’okubanza babire nibakikora, n’itwe nituburira abantu ‘omu maka gabo.’ (Ebyakozirwe 5:42) Obwo buryo obu turi kukoresa nibutukwasa kuhika aha bantu bingi buri mwaka. Ahakuba abantu batari kukunda kuba bari omu maka gabo, nitubashanga omu myanya eri kuba erimu abantu bingi. Nitukoresa omugisha gona ogu twatunga tugambira abandi ebiri kukwata ahari Yehova n’ekigendererwa ceye.
3. Ni baha abashemerire kukora omurimo g’okuburira obutumwa burungi?
Abakristo bona ab’amazima bashemerire kuburira abandi obutumwa burungi. Omurimo gwitu tituri kuguzanisa. Nitukora cona eki turi kubasa ahakuba nikijuna amagara g’abantu. (Shoma omuri 1 Timoseo 4:16.) Tituri kushashurwa ahabw’okukora ogo murimo, ahakuba Bibuli negamba ngu: ‘Mukaherwa busha, n’imwe muhere busha.’ (Matayo 10:7, 8) Abantu bona tiko bari kwikiriza obutumwa obu turi kubaburira. Konka nitugumizamu kuburira ahakuba nituba turi kwenda kwereka ku nitworobera Yehova, kandi eco nikimushemeza.
YEGA BYINGI
Reba oku Abahamya ba Yehova bari kutamu amani omu kuburira omu nsi yona n’oku Yehova ari kutukwasa.
Okuburira omu nsi yona: (A) Kostarika, (B) Amerika, (C) Benini, (D) Tayilandi, (E) Yap, (F) Suwideni
4. Nitukora cona eki turi kubasa ngu tuhike aha bantu bingi
Abahamya ba Yehova nibakoresa amani gabo ngu baburire abantu obutumwa burungi aho bakuba bari hona. Zana VDIYO, rero muganire ahari eki kibuzo.
-
Ni enki ekiri kukushemeza aha mani agu Abahamya ba Yehova bari kuta omu kuburira?
Shoma omuri Matayo 22:39 n’omu Barooma 10:13-15, rero muganire ahari ebi bibuzo:
-
Ni bata oku omurimu gwitu g’okuburira ogu turi kukora guri kwereka rukundo eyi turi kukunda abatahi bitu?
-
Ni bata oku Yehova ari kwehurira yareba abari kuburira obutumwa burungi?—Reba orunyiriri rwa 15.
5. Nitukora na Ruhanga
Twine ebihamya ebiri kwereka ku Yehova ari we ori kwebembera omurimo ogu turi kukora. Ecokureberaho: Izoba rimwe mwenetata w’omuri Niyuzilandi ori kwetwa Paul akabugana omukazi obu yabire ari kuburira aha nju n’enju. Omuri ako kasheshe, ogo mukazi akaba yashabire Ruhanga, akoresize izina rya Ruhanga, Yehova, ari kumushaba ngu hagire omuntu owamutayayira amwegese ebiri kumukwataho. Paul akagamba ati: ‘Bwanyima y’amashaha ashatu nkahika ndi kumuhikaho.’
Shoma omu 1 Bakorinso 3:9, rero muganire ahari eki kibuzo:
-
Ni bata oku ebyokureberaho nk’eco omuri Niyuzilandi biri kwereka ku Yehova ari we ori kwebembera omurimo g’okuburira?
Shoma omu Byakozirwe 1:8, rero muganire ahari eki kibuzo:
-
Ahabw’enki nitwetenga obuyambi bwa Yehova omu murimo g’okuburira?
Waba nokimanya?
Omu nterane zitu za rwagati y’esande, nitwegesibwa oku turi kubasa kuburira ge. Waba warayekwatanisize omuri ezo nterane, okareba ota oku Abahamya ba Yehova bari kwegesibwa?
6. Nitworobera ekiragiro ca Ruhanga c’okuburira
Omu kinyigana c’okubanza abari kutuhakanisa bakagumizamu kwemereza abakurasi ba Yesu ngu bataburira. Abakristo b’omu kinyigana c’okubanza bakarwanirira obugabe bwabo bw’okuburira obutumwa burungi. (Abafilipi 1:7) Abahamya ba Yehova ni co eki bari kukora omuri obu bwire. *
Shoma omu Byakozirwe 5:27-42, rero muganire ahari eki kibuzo:
-
Ahabw’enki tutari kureka kuburira? (Reba orunyiriri rwa 29, 38, na 39.)
ABANTU ABAMWE NIBABASA KUBUZA NGU: “Ahabw’enki Abahamya ba Yehova bari kuburira aha nju n’enju?”
-
Nobasa kubagarukamu ota?
EMPINYE
Yesu akaragira abakurasi beye ngu baburire obutumwa burungi omu nsi yona. Yehova nakwasa abahereza beye kukora ogo murimo.
Wayega ki?
-
Ni bata oku obutumwa burungi buri kuburirwa omu nsi yona?
-
Ni bata oku omurimo g’okuburira guri kwereka ku turi kukunda abatahi bitu?
-
Mbehi notekateka ngu omurimo g’okuburira nigubasa kutuma omuntu yashemererwa? Ahabw’enki?
CONDOZA
Reba oku Abahamya ba Yehova bari kuburira abantu omu matawuni mahango.
Ni enki eki Abahamya ba Yehova bakozire ngu baburire empungi?
Hurira oku abamwe bashoborwire oku batungire okushemererwa omu murimo g’obwire bwona.
Nkatunga okushemererwa ahakuba natorinwe kukora ogu murimo (6:29)
Reba oku ensharamu zimwe z’amashengero zatumire catworobera kukora omurimo g’okuburira obutumwa burungi.
^ Ruhanga ni we owatuhire ekiragiro c’okuburira. Ni yo nshonga Abahamya ba Yehova batari kwetenga oruhusya rw’Abategeki.
