Enterane z’omurimo g’okuburira, nk’ezindi nterane z’omu kibina, ni Yehova ori kuzitutegurira kugira ngu tugumyane, tukizeho kukundanda n’okukora ebirungi. (Heb 10:24, 25) Zishemerire kumara edakika itano kuhisya ahari mushanju, otwariremu okupanga ababurizi, ahu baraze kuburira, hamwe n’okushaba. (Enterane z’omurimo g’okuburira zakurata enterane ezishangirwe, zishemerire kumara obwire buce munonga kukiraho.) Ori kuzebembera ashemerire kutegura obuhabuzi oburi kubasa kukwasa abaraze kuburira. Ecokureberaho: Aha nterane z’omurimo g’okuburira z’Orwamukaga haba hizire ababurizi bingi abatararebekire omu mizizi, naba ashemerire kugarukiramu ababurizi ababire batariho aha bi bayegireho, kugira ngu na bo bamanye ebi bagambireho. Ni biha bindi bintu by’omugasho ebiri kubasa kuganirwaho?

• Ebyokureberaho ebiri omu Katabo k’Omukristo n’omurimo g’okuburira

• Oku turi kubasa kutandikisa ebiganiro tukoresize amakuru g’omu kacweka k’owitu

• Oku turi kubasa kusinga oburemezi bw’omu kacweka k’owitu

• Oku turi kubasa kugarukamu omuntu otari kwikiriza ku Ruhanga ariho, ori kwikiriza enyegesa y’ebintu kuhangwa biri kuruga omu bindi, ori kugamba orundi rurimi, ninga owagamba ku ayine edini yeye

• Oku turi kubasa kukoresa ebiri aha rubuga jw.org, ahari JW Library^®, ninga okukoresa Bibuli

• Oku turi kukoresa kimwe omu bikoreso ebi turi kwegeserezamu Bibuli

• Oku turi kubasa kukoresa oburyo bw’okuburira, nk’okuburira aha simu, okuburira tukoresize amabaruha, okuburira omu misho ga bona, okugarukayo, ninga okwegesa omuntu Bibuli

• Okweyijusya ebikwatirine n’obwerinzi, okubuganisa n’embera z’abantu, okugira emitwarize mirungi twaba turi kuburira, n’ebindi nk’ebyo

• Okuganira ah’ishomo ninga vidiyo by’omu katabo Yemanyize okushoma n’okwegesa

• Oku turi kubasa kukwasa omuburizi owu twagenda na we omu kuburira

• Okuganira aha cahandikirwe ekiri kukwata aha murimo g’okuburira ninga enkuru y’ebyabireho omu murimo g’okuburira eri kutugaruramu amani