Yehova ni we ori kutuma amazima gahika aha mutima gw’abari kwega Bibuli, kandi bakagira entunguka. (1Kor 3:6-9) Obwe rero, kugira ngu tugire eki twahikaho omu murimo g’okuburira, tushemererire kushaba Yehova kugira ngu atukwase, itwe n’abegi ba Bibuli.

Shaba Yehova kukwasa omwegi wawe kwehanganira ebizibu ebi ari kubugana. (Fil 1:9, 10) Mugambire ekizibu eki omwegi ayine otari kumushereka. Mushabe akuhe omwika oguri kwera kugira ngu gukwebembere omu bi ori kutecereza n’ebi ori kukora. (Luk 11:13) Yegesa omwegi wawe oku ari kubasa kweshabira, kandi omuhige kukikora. Guma oshabe ori hamwe n’omwegi kandi ogambe izina ryeye omu kushaba.

MUREBE VIDIYO EYINE OMUTWE OGURI KUGIRA NGU TUNGA OKUSHEMERERWA OMU MURIMO G’OKUHINDURA ABANTU ABEGI—YIKIRIZA OBUYAMBI BWA YEHOVA—OKUSHABA, BWANYIMA MUGARUKEMU EBI BIBUZO:

• Ni biha bizibu ebi Neeta yabugine obu yabire nayega na Jade?

• Ni bata oku omu 1 Bakorinso 3:6 hakwasize Neeta?

• Neeta akasingura ata ekizibu eki yabire ayine?