Abanyanyazi nibakora byingi omu kushagika omurimo g’okuburira. (Zab 68:11) Nibegesa abegi bingi ba Bibuli, kandi ni bo bingi omu bapayoniya b’obwire bwona. Hine abanyanyazi bingi abari kukora ahari beteli, abamishonari, abari kuyamba omu bikorwa by’obwombeki, hamwe n’abari kukora omurimo g’obuhinduzi. Abanyanyazi abakuzire nibakwasa amaka gabo hamwe n’ekibina. (Enf 14:1) N’obu abanyanyazi batari kubasa kuba abazehe ninga abahereza, nibabasa kweteraho entego omu kibina. Yaba ori omunyanyazi, nobasa kukora ki kugira ngu ohike aha ntego zawe?

• Kizaho kugira emitwarize mirungi.​—1Tim 3:11; 1Pet 3:3-6

• Kwasa abanyanyazi b’omu kibina abatari kumanya byingi.—Tit 2:3-5

• Kizaho kuboneza oburyo obu ori kukoramu omurimu g’okuburira

• Yega orundi rurimi

• Furukira ahari kwetengwa obuyambi

• Yijuza fomu y’abari kwenda kukora ahari Beteli ninga ey’abari kwenda kuyamba omu bwombeki

• Yijuza fomu y’abari kwenda kwega Ishomero ry’ababurizi b’Obukama

MUREBE VIDIYO EYINE OMUTWE OGURI KUGIRA NGU ‘ABAKAZI ABARI KUKORA N’AMANI OMURI MUKAMA,’ BWANYIMA MUGARUKEMU EKI KIBUZO:

• Ni bata oku ebyokureberaho bya banyanyazi abu twamara kureba byakugaruramu amani?