Ebyahikire aha Bisirayeli obu babire bari omu bibaya bya Mowabu, ni ecokureberaho ekiri kurabura Abakristo b’omuri obu bwire. (1Kor 10:6, 8, 11) Abisirayeli abatandikire kwekwatanisa n’Abamowabukazi b’endaya kandi abari kuramya ebishushani, bakagwa omu bindi bicumuro eby’amani. Eco kikatuma bahikwaho n’enguruka mbi. (Kub 25:9) Ni co kimwe n’itwe; abu turi kukora hamwe, abu turi kwegana, abatahi, abanyabuzare n’abandi abu turi kumanyana, tibari kuramya Yehova. Mbwenu shi ni enki eki turi kwegera ahari egi nkuru y’omuri Bibuli, aha bikwatirine n’akabi k’okwekwatanisa n’abantu nk’abo?

MUREBE VIDIYO ERI KUGIRA NGU EBYOKUREBERAHO EBIRI KUTURABURA OMURI OBU BWIRE—AKACWEKA, BWANYIMA MUGARUKEMU EBI BIBUZO:

• Ni eha mitecerereze egwire eyi Zimuri n’abandi bayerekire Yamini?

• Ni bata oku Finehasi yakwasize Yamini kugira emitecerereze mirungi?

• Ni eha ntanisa eri ahagati y’okutura ge n’omuntu otari kuramya Yehova n’okuba omunywani weye?

• Ahabw’enki tushemerire kwetonda twaba nitutorana abanywani, nangwa n’omu kibina?

• Ahabw’enki tushemerire kwerinda kuhandikirana aha mbuga z’okuganiriraho n’abantu abu tutari kumanyana?