YOMARA n’abu ari kuzarwa na we, ari bo Marcelo na Hiver batwire omu karo kace k’omuri Gwatemala. Yomara akatandika kwega Bibuli n’Abahamyaba Yehova, kandi bwanyima abu ari kuzarwana na bo batandika kwega. Konka hakaba hariho ekizibu. Bona bashatu ni empumi, kandi tibari kubasa kushoma ebihandiko by’empumi. Obwe rero, abegesa babo ba Bibuli bakaba nibabashomera ishomo rero babashomera n’enyiriri z’omuri Bibuli.

Nambwenu kikaba nikibagumira kuza omu nterane. Kikaba nikibashaba kutambura edakika 40 kugira ngu bahike aha Nju y’Obukama eri hihi. Konka benetata b’omu kibina bakataho entebekanisa kugira ngu babakwase kuza omu nterane zona. Kandi bona bashatu ku batandikire kutanga ebyokureberaho omu nterane za rwagati y’esande, benetata bakatandika kubakwasa kutegura ebyo byokureberaho.

Omu Kwakatano 2019, bakatandika kugirira enterane omu caro c’owabo. Omuri obwo bwire, omuri eco caro hakaba hafurukireyo omushija n’omukazi b’abapayoniya b’obwire bwona. Abo bapayoniya baketeraho entego y’okwegesa bona bashatu okushoma n’okuhandika ebihandiko by’empumi, n’obu babire batari kumanya oku barabegese. Bakaza omu bubiko bw’ebitabo bayihayo ebitabo by’empumi kugira ngu bashomemu ebi barayegese.

Omu mezi mace, bona bashatu bakaba bari kubasa kushoma ge ebihandiko by’empumi, kandi kikatuma bagira entunguka z’eby’omwika. a Hati Yomara, Marcelo, na Hiver ni abapayoniya b’obwire bwona. Marcelo ni omuhereza w’ekibina. Nibekwatanisa omu bikorwa by’omwika esande yona. Ahakuba bari kutaho amani, nikituma n’abandi babatoreza.

Bona bashatu nibesima ahabw’obuyambi obu abagizire ekibina kiri kubaha. Yomara akagira ati: “Kwiha twabugana Abahamya ba Yehova aha murundi g’okubanza, bakaguma bari kutwereka rukundo y’Abakristo.” Marcelo akongeraho ati: “Twine abanywani barungi omu kibina kitu, kandi n’itwe turi omu bagizire omuryango gwa benetata omu nsi yona abari kwereka rukundo. Yomara n’abu bari kuzarwana bategerize n’ekihika obwire obu ensi yona erihindurwa paradiso.​—Zab 37:10, 11; Isa 35:5.