Twaba turi kushoma Bibuli, nitubasa kurondesa ebintu by’omugasho turi kucondoza. Konka shi okakora ki kugira ngu okizeho kugasirwa?

Fa munonga aha biri kukwata aha nkuru y’omuri Bibuli. Ecokureberaho: Gezaho kumanya owahandikire eyo nkuru, owu yayihandikire n’obwire obu yagihandikiremu. Ni ziha mbera ezabire ziriho, ni biha bintu ebyabireho mbere y’eyo nkuru na bwanyima yayo?

Guma oyetegereze amashomo agu wayegamu ori kwebuza ebibuzo nk’ebi: ‘Abantu abari kugambwamu bakaba nibehurira bata? Ni eha mitwariza eyi bayerekire? Ahabw’enki ndi kubasa kutoreza emitwarize yabo, ninga shi ahabw’enki nshemerire kwerinda kuyitoreza?’

Gezaho kuta omu bikorwa ebi wayega, nk’omu murimo g’okuburira ninga shi omu ku ori kukoringana n’abandi. Eco wakikora noba wayereka obwenge oburi kuruga ahari Ruhanga ahakuba Bibuli negira ngu: ‘Omuntu oyine obwenge wena ate omutima ahari ebyo bigambo.’—Zab 107:43.

• Obuhabuzi: Yetegereze oku ebi turi kwega omu nterane za rwagati omu sande omu kicweka ekiri kugira ngu Obutungi bw’omu Kigambo ca Ruhanga biri kutukwasa kuta omu bikorwa ebi twayega. Eco kicweka burijo nikiba kirimu ebibuzo ebi turi kubasa kwebuza, enshonga ezi turi kubasa kutecerezaho, n’ebishushani ebi turi kubasa kushwijuma.