ABAJUMBUZI bakajumbura amatafari mingi omuri Babuloni ya kare agabire gari kukoresibwa omu kombeka eyo tawuni. Tukuratize ebi Robert Koldewey yagambire, ago matafari nigakorerwa omu tanura eyabire eri “aheru y’etawuni ahabire hariyo ibumba rirungi n’enku z’okugosa . . . kandi riri kumara.”‏

Nambwenu abo bajumbuzi bakajumbura ku abategeki b’omuri Babuloni babire nibakoresa ago matanura n’omu kukora ebindi bintu byingi. Paul-Alain Beaulieu, purofesa omu by’obujumbuzi omuri yunivasiti y’omuri Toronto, akagamba ati: “Ebihandiko by’omuri Babuloni nibyereka ku abategeki babire bari kutaho ebiragiro by’okoceza abantu abayanga korobera ebiragiro byabo omuri ago matanura.” Ekihandiko kimwe c’omu bwire bwa kare c’omubwire bw’Omugabe Nebukadineza kiriho ebigambo ebiri kugira ngu: “Mubacwekereze, mubose, muboceze omu itanura, . . . emyika yabo ecumbe, bafere omu muriro.”

Ebyo nibituma twayijuka enkuru eri kugambwa omuri Bibuli omuri Daniyeli ekicweka ca 3. Eyo nkuru negamba ku Omugabe Nebukadineza yakozire ekishushani kiringwa c’ezabu yakita omu tawunii ya Dura aheru y’etawuni ya Babuloni. Abasigazi b’Abaheburayo bashatu aribo Saduraki, Mesaki na Abedenego ku bayangire kukinamira ebukadineza akaragira kuhemba omuriro gukaka n’amani okukira ’oku gutakabagaho emirundi mushanju’ kandi yaragira ku banaga abo basigazi bashatu omu ‘kikome c’omuriro ekirikubuguma.’ Marayika oyine amani akabarinda tibafa.​—Dan 3:1-6, 19-28.

Nambwenu amatafari agabire gari omuri Babuloni nigereka ku ebi Bibuli eri kugamba biri amazima. Amingi omuri go noshanga gahandikireho ebigambo ebiri kuhimbisa omugabe. Hariho etafari erihandikireho ebigambo ebiro kugira ngu: “Nyowe Nebukadineza Omugabe wa Babuloni, nyine ekikari kibonire munonga . . . ab’omu ruzaro rwange bazatura aha bugabe ebiro byona.” Ebyo bigambo nibibugana n’ebiri omuri Daniyeli 4:30, aho Nebukadineza yagambire ngu: ‘Babuloni egi yona ti eyi nayombekire namani gange n’obushoborozi bwange kandi n’ekitinisa c’obukuru bwange?’