Jakop a silei pwe epwe fel ngeni Jiowa chék inaamwo ika Jiowa esaamwo awora ewe allúk fán iten an esap fel ngeni ululun. (Eks 20:3-5) Ina popun mwirin án Jiowa ereni pwe epwe liwiniti Petel, Jakop a ereni meinisin mi fiti i pwe repwe péútaaló néúr kewe ululun. Iwe, Jakop a péútaaló ekkewe ululun, kapachelong ekkewe iering neman ekkewe aramas ra kan néúnéú pwe tittiir. (Ken 35:1-4) Ese mwáál, Jiowa a pwapwa ren met kewe Jakop a féri.

Lón ach ei fansoun, ifa usun sia tongeni fel ngeni Jiowa chék? Sipwe poputá ren ach ttii senikich meinisin met mi riri ngeni fel ngeni ululun are angangen roong. A pachelong ach sipwe péútaaló ekkewe pisek mi riri ngeni angangen roong me ach etittinafichi ach kewe minen apwapwa me kunou. Áwewe chék, pwisin eisinuk: ‘Ua kan pwapwaiti ekkewe puken me kachitoon vampire, zombie, me pwal ekkóch? Ai kewe minen apwapwa me kunou ra ámmeef ngeniei pwe magic, fériér, me chúúngaw minen urumwot chék?’ Sipwe fókkun towau seni met Jiowa a oput, ese lifilifil met.​—Kf 97:10.

KATOL EWE VIDEO “OPPOSE THE DEVIL,” MWIRIN PÉLÚWENI EKKEEI KAPAS EIS:

• Ifa ewe osukosuk a ppiitá lón manawen emén chón káé itan Palesa?

• Pwata a eú alen tipachem ach sipwe kútta álillis seni ekkewe mwán mi ásimaw lupwen kich ika néúch chón káé a osukosuk ren angangen roong?

• Ika sia mochen án Jiowa túmún, met kewe a lamot sipwe unusen úkúseni?

• Met ewe Palesa a filatá le féri?

• Ikkefa ekkóch alen óm kopwe ttii sonuk etipetipaen ekkewe timon lón leeniom?