Ka fókkun aúchea me ren Jiowa. (Ais 43:4) I a lukiik ngeni pwisin i me an we mwicheich. Mwirin óm fang ngeni Jiowa manawom me papatais, ka wiliti emén néún. I epwe fókkun túmúnuk usun en emén néún mi aúchea, pwal mwo nge lón fansoun weires. Epwe áeá an we mwicheich le pwári an tong enlet ngonuk.​—Kf 25:10.

Sia tongeni apéchékkúlaló ach aúcheani án Jiowa tong enlet ren ach ppii sefáli ifa usun an we mwicheich a álisi chókkewe mi nónnóm lón feiengaw watte kukkuto chék.

KATOL EI VIDEO 2019 COORDINATORS’ COMMITTEE REPORT, MWIRIN PÉLÚWENI EKKEEI KAPAS EIS:

• Ifa usun ewe Coordinators’ Committee a ammólnatá ekkewe keangen ofesilap wóón unusen fénúfan ar repwe álillis fansoun feiengaw watte?

• Ifa usun án Jiowa mwicheich a awora emmwen me álillis atun feiengaw watte lón Indonesia me Nigeria?

• Met ka aúcheani seni án ach we mwicheich awora álillis atun ewe samaw mi chéú COVID-19?