EKKÓCH ARAMAS RA LÚKÚ pwe ina án Kot nemenem mi nóm lón letipen aramas. Nge ekkóch ra ekieki pwe Mwúún Kot epwe fis ika aramas ra achocho le efisi kinamwe me tipeeú wóón fénúfan. Nge en, met óm ekiek?

PAIPEL A APASA

“Ewe Koten läng epwe aüetä eu mwü esap tongeni tala . . . Ei mwü epwe ataela o arosala ekewe lusun mwü [án aramas].” (Taniel 2:44) Mwúún Kot, ina eú wesewesen mwú.

MET SIA PWAL TONGENI KÁÉ SENI PAIPEL?

• Án Kot we Mwú a nemenem seni lón láng.​—Mateus 10:7; Lukas 10:9.

• Kot a áeá an we Mwú le apwénúetá letipan lón láng me wóón fénúfan.​—Mateus 6:10.

MET KOPWE APASA?

• Ese wor emén a silei

• Ekiseló chék

• Esap fókkun war

PAIPEL A APASA

“Aramas repwe afalafalafeili ewe Pworausen Manau usun ewe Mwün Kot won unusen fanüfan, pwe epwe eu minen pwärätä ngeni aramas meinisin. Mürin epwapw tori fansoun sopolan.” (Mateus 24:14) Ika a unusóló esilefeilin ewe kapas allim, ewe Mwúún Kot epwe war pwe epwe amóeló ei ótót mi ngaw.

MET SIA PWAL TONGENI KÁÉ SENI PAIPEL?

• Ese wor emén wóón fénúfan a silei ewe wesewesen atun án Kot we Mwú epwe war.​—Mateus 24:36.

• Ekkewe oesini lón Paipel ra pwáraatá pwe ekiseló chék án Kot we Mwú epwe war.​—Mateus 24:3, 7, 12.