“Muom Epwe Feito”—Eú Iótek Fite Million Aramas Ra Kan Eáni
Ka fen ióteki ewe Mwúún Kot an epwe feito? Seni lóóm tori ikenái fite million aramas ra kan akkapasa ekkeei kapas “Muom epwe feito.” Pwata ra eáni ena esin iótek? Pún Jesus a ereni néún kewe chón káé ar repwe iótek fán iten ewe Mwúún Kot.
Me akkomwan, néún Jesus kewe chón káé rese kon lien weweiti met a apasa usun ewe Mwúún Kot. Fán eú ra eisini: “Äm Samol, ifa usun, kopwe aliwinisefäli ngeni Israel Mwün we lon ei fansoun?” Ese mwáál ra máirú ren án Jesus ese tichikin pélúweni ar we kapas eis. (Föför 1:6, 7) Iwe, a itá wewe ngeni pwe sisap fókkun tongeni silei met ewe Mwúún Kot me ineet epwe feito? Aapw esap ina!
Ei Leenien Mas epwe álisuk le kúna pélúwen ekkeei kapas eis:
Pwata Sia Osupwangen ewe Mwúún Kot?
Ié Kingen ewe Mwúún Kot?
Ineet ewe Mwúún Kot epwe nemenem wóón fénúfan?
Met ewe Mwúún Kot epwe apwénúetá?
Pwata kopwe filatá le álisatá ewe Mwúún Kot iei?
Met ewe Mwúún Kot?
Neman Kopwe Pwal Sani
EWE LEENIEN MAS
Án Paipel Kewe Kapas Eis Ra Pélú
ESSENTIAL BIBLE TEACHINGS
Met ewe Mwúún Kot?
Lón unusen án Jesus angangen afalafal, a lap an asukul usun ewe Mwúún Kot. Ren fitengeréú ier, néún kewe chón káé ra ióteki án ena Mwúún Kot epwe war.
