1. Ren án Jiowa tong

A awora ren Néún we

Omusomusen tipisich

Manawetáán mi máló.

Ika sa enletin aier,

Epwele omusaakich

Me ren án Kraist we méén kepich

Sa mus ren ach tingorei.

2. Sa kúna úméúméch

Atun sa áppirú Kot

Le omusaaló aramas

Pwáppwári tong mi enlet.

Songommang o omusomus,

Péútaaló tipekoum,

Asamolu pwiich kewe o,

Tongeer ese wor táppin.

3. Úméúméch a lamot

Ach sipwe ámááraatá.

Epwe túmúnúkich seni

Song mi pop seni koput.

Atun sa áppirú ach Kot

Lón an tong esor táppin,

Sipwe omusa aramas,

O usun ach Kot lón láng.