LESEN 12
Tongei me Chúngú Aramas
1 Tesalonika 2:7, 8
MENLAPAN: Fós seni enletin meefien letipom me pwár ngeni ekkewe chón aúseling pwe ka tongeer me mochen álisiir.
MINNE KOPWE FÉRI:
-
Ekieki ekkewe chón aúseling. Ammólnatá letipom ren óm ekieki ekkewe osukosuk a tottoriir. Sótun anchangei meefier.
-
Filiéchú kapas kopwe néúnéú. Apéchékkúla, oururu, me ekinamwei letipen ekkewe chón aúseling. Túmúnú pwe kosap néúnéú ekkewe esin kapas epwe asongeer, me kosap ákkápii chókkewe rese lúkú Jiowa are minne ra lúkú.
-
Pwári pwe ka áfánniir. Ngingiimw mi pwári kirekiréch me pwomwen poum mi fich epwe affata ngeni ekkewe chón aúseling pwe ka enletin tongeer. Kopwe pwal pwári ren wówóón wóón mesom. Kopwe kan emelimel.
