Óm kapasen lesópwólóón epwe riri ngeni masouen óm afalafal. Kopwe eppiisefálietá ekkewe menlapen pwóróus me ewe itelap.

Amwékútú letipen chón aúseling. Áiti ngeniir met repwe féri, me ereniir ekkewe popun mi múrinné ar repwe féri. Kapas lón napanap mi pwári pwe ka wesewesen lúkú minne ka apasa me a fókkun lamot.

Ámecheresi me ammwocha óm kapasen lesópwólóón. Kosap pwal apachaatá ekkewe menlapen pwóróus kesaamwo fós usun. Achókúkkúnaaló ekkewe kapas kopwe néúnéú le pesei chón aúseling ar repwe apwénúetá minne ra rongorong.