Efisi án aramas repwe mochen aúseling. Áeá kapas eis le álisiir pwe repwe anganga ar ekiek wóón ewe pwóróus are amwétéresiiretá le mochen silei pélúwan.

Álisiir le kúna pwúngún och pwóróus. Eáni kapas eis mi tetteléch le álisiir pwe repwe kúna letelóón pwúngún eú pwóróus.

Menlapei ekkewe pwóróus mi lamot. Eáni eú kapas eis mi ammwétéres me mwen óm apasa eú pwóróus mi kon lamot. Are áeá kapas eis mwirin eú pwóróus mi lamot are lupwen ka tori lesópwólóón óm afalafal pwe kopwe enniwili ekkewe mettóch mi lamot.