Ewe lesen mwen ei a áiti ngenikich pwe esap meinisin lamalam ra ketiw me ren Kot. Iwe nge, sia tongeni fel ngeni ewe Chón Férikichetá lón ewe napanap epwe pwapwa ren. Met “sokkun fel [are, lamalam]” a ketiw me ren? (James 1:27, Testament mi Fö) Ikkeei met Paipel a áiti ngenikich.

1. Met a lamot ach fel epwe lóngólóng wóón?

A lamot pwe ach fel epwe lóngólóng wóón ewe Paipel. Iei alon Jesus ngeni Kot: “Om kapas a let.” (Johannes 17:17) Ekkóch lamalam ra tunaló ekkewe pwóróus mi enlet lón án Kot we Kapas, ewe Paipel. Ra ekkesiwili ngeni án aramas káit me ar eéreni. Me Jiowa ese pwapwa ren chókkewe mi tunaló are ‘öüöngaua an allük.’ (Álleani Markus 7:9.) Iwe nge, sia apwapwaai i ika sia alónga ach fel ngeni wóón ewe Paipel me apwénúetá ekkewe kapasen emmwen lón.

2. Ifa usun sipwe fel ngeni Jiowa?

Pokiten Jiowa, i ewe Chón Férikichetá, iwe a fich ngeni ach sipwe unusen tuppwél ngeni. (Pwärätä 4:11) Weween, a lamot ach sipwe tongei me fel ngeni i chék, me sisap néúnéú ululun are lios lón ach fel ngeni.​—Álleani Aisea 42:8.

A lamot pwe ach fel ngeni Jiowa epwe “pin . . . o i epwe pwapwa ren.” (Rom 12:1) Weween, a lamot ach sipwe álleasochisi an kewe allúk. Áwewe chék, chókkewe mi tongei Jiowa ra aúcheani me álleasochisi an kewe allúk usun pwúpwúlú. Ra pwal ttii seniir ekkewe mettóch mi efeiengaw, áwewe chék ren suupwa me áeámwáállin drugs me sakaw. a

3. Pwata a lamot ach sipwe fiti chón ewe mwichefel le fel ngeni Jiowa?

Ach kewe mwich iteiten wiik ra atufichikich le “mwareiti ewe Samol mi Lapalap . . . lein ewe mwichen aramas” are lón ewe mwichefel. (Kölfel 111:1, 2) Ach kélún mwareiti Kot, ina eú alen ach féri ena. (Álleani Kölfel 104:33.) Jiowa a erenikich ach sipwe fiti ekkewe mwich pokiten a tongekich me a silei pwe repwe álisikich le eáni manaw mi pwapwa tori feilfeiló. Lón ekkena mwich, sia kan apéchékkúla chienach kewe, me iir ra pwal apéchékkúlakich.

 KÚTTAFICHI

4. A lamot sisap néúnéú lios lón ach fel

5. Ika sia fel ngeni Jiowa chék, sipwe ngas seni lúkú mi chofona

 6. Sia fel ngeni Kot lón ach kewe mwich

Sia mwareiti Jiowa me apéchékkúlafengenikich ren ach eáni ach kewe kél me uwawu meefiach lón ach kewe mwich. Álleani Kölfel 22:22, me mwirin pwóróusfengen wóón ekkeei kapas eis:

• Ka sani le rong ekkewe memmeef lón ekkewe mwich?

• Ka mochen ammólnatá eú meefiom lón mwich?

7. Jiowa a pwapwa atun sia ereni aramas met sia káé

A chómmóng alen ach sipwe ereni ekkewe ekkóch usun ekkewe pwóróus mi enlet lón Paipel. Álleani Kölfel 9:1 me 34:1, me mwirin pwóróusfengen wóón ei kapas eis:

• Mi wor met ka káé seni ewe Paipel ka mochen apwóróusa ngeni emén?

 MENLAPAN

Sia apwapwaai ewe Chón Férikichetá atun sia fel ngeni i chék, mwareiti lón ach kewe mwich, me ereni ekkewe ekkóch met sia káé.

Enniwili

• Ifa usun sia silei ewe sókkun napanapen fel mi ketiw me ren Kot?

• Pwata a lamot ach sipwe fel ngeni Jiowa chék?

• Pwata a lamot ach sipwe fiti chókkewe mi mochen apwapwaai Kot le fel ngeni?