Minne Jises A Féri

Met Sia Káé Seni Jises?

2. Lupwen sia eáni asukul mi mecheres, aramas repwe chechchemeni met sia áiti ngeniir me epwe achchúngú letiper.

 Áppirú Jises

3. Kosap kon fós chómmóng. Kopwe nefótófót wóón ewe pwóróus lón ewe puk oua káé me noum we chón káé, lap seni óm apwóróusa meinisin met ka silei ussun eú pwóróus. Mwirin óm eisini eú kapas eis, kopwe mosonottam le witi an epwe pélúweni. Iká ese silei pélúwan are a apasawu och mettóch ese tipeeú ngeni met Paipel a apasa, eáni pwal ekkóch kapas eis pwe epwe álisi le silei pélúwan. Iká a weweiti ewe menlapen pwóróus, iwe mwet ngeni pwal eú.

4. Álisi noum we chón káé an epwe eririfengeni ekkewe mineféén mettóch a kerán káé ngeni met a fen silei. Áwewe chék, me mwen oupwe poputááni eú lesen mi fósun ewe manawsefál, ekis pwóróus wóón met ena chón káé a fen silei ussun ekkewe mi máló.

5. Túmúnúéch lón óm áeá kapas áwewe. Me mwen óm kopwe eáni eú kapas áwewe, pwisin eisinuk:

1.    ‘Mi mecheres ewe kapas áwewe?’

2.   ‘Epwe mecheres ngeni nei we chón káé le weweiti?’

3.   ‘Epwe álisi nei we chón káé le chemeni ewe menlapen pwóróus nge esap chék ewe kapas áwewe?’