بە‌ش ١٠
دوژمنی باوە‌ڕ دە‌رکە‌وت
زۆر پێش ئە‌وە‌ی خودا زە‌وی دروست کات، لە ئاسمان فریشتە‌ی ئافراند. ئینجا پاش ماوە‌یە‌ک، یە‌کێک لە‌و فریشتانە ئارە‌زووی ئە‌وە‌ی کرد بپە‌رسترێ کە ئە‌مە‌ش تە‌نها شایانی خودایە. بە تێرکردنی ئە‌و ئارە‌زووە‌ی خۆی کردە شە‌یتان کە واتە‌ی بە‌رگرە، ئە‌وە یە‌کێکە کە بە‌رگری خودا دە‌کا. شە‌یتان چۆن دژی خودا ڕە‌فتاری کرد؟
شە‌یتان بۆ فریودانی حە‌وا ماری بە کار هێنا
شە‌یتان حە‌وای هە‌ڵخە‌ڵە‌تاند تا لە خودا یاخی بێ. فێڵبازانە وای نیشاندا کە گوایا خودا شتێکی باشی لێ شاردبووە‌وە بە‌وە‌ی کە لێی قە‌دە‌غە کردبوو لە بە‌ری ئە‌و دارە بخوا. ئە‌و بێشە‌رمانە وتی خودا درۆ دە‌کا، وای لە حە‌وا کرد ڕێنمایی خودا ڕە‌تبکاتە‌وە و وتی: «چونکە خودا دە‌زانێت ئە‌و ڕۆژە‌ی کە دە‌یخۆن چاوتان دە‌کرێتە‌وە و ئیتر وە‌ک خوداتان لێدێت، چاکە وخراپە دە‌زانن» (پە‌یدابوون ٣:٥). حە‌وا بە شێوە‌یێکی ساویلکانە باوە‌ڕی بە شە‌یتان کرد. یاسای خودای شکاند و وایکرد ئادە‌میش هە‌مان کار بکات. لە‌و کاتە‌وە شە‌یتان بۆتە دوژمنی هە‌موو ئە‌وانە‌ی کە باوە‌ڕدارن. چۆن؟
باوە‌ڕی گە‌ندە‌ڵ بە‌ربڵاوبووە‌وە
شە‌یتان بۆ فریودانی خە‌ڵک بت پە‌رستی و دابونە‌ریتی کۆنی مرۆڤی بە کار هێنا
شە‌یتان بت و دابونە‌ریە‌تی مرۆڤانە‌ی بە‌کارهێنا تاکو نە‌وە‌کانی ئیسرائیل گە‌ندە‌ڵ بکا. عیسای مە‌سیح، بە پێشە‌وایانی ئایینی ئیسرائیلییە‌کانی وت: «ئە‌وان بە‌خۆڕایی دە‌پە‌رستن، فێرکردنێک فێردە‌کە‌ن کە ڕاسپاردە‌ی خە‌ڵکە» (مە‌تا ١٥:٩). کاتێ ئە‌و نە‌تە‌وە‌یە مە‌سیحیان ڕە‌تکردە‌وە، خوداش ئە‌وانی ڕە‌تکردە‌وە. عیسا پێی وتن: «شانشینی خودا لێتان دە‌سە‌نرێتە‌وە و دە‌درێتە نە‌تە‌وە‌یە‌ک کە بە‌رهە‌م دە‌دات» (مە‌تا ٢١:٤٣). قوتابییە‌کانی عیسا ئە‌و سە‌ردە‌مە بوون بە‌و نە‌تە‌وە کە خودا لێیان ڕازی بوو.
دواتر شە‌یتان هە‌وڵی دا قوتابییە‌کانی عیسا هە‌ڵبخە‌ڵە‌تێنێ. ئایا سە‌رکە‌وتوو بوو؟ عیسا بە‌نموونە‌یە‌ک پێشبینی کرد چی ڕوودە‌دات. لە نموونە‌کە‌دا پیاوێک تۆوی گە‌نمێکی چاک لە کێڵگە‌یە‌کدا چاند، دواتر دوژمن زیوانە‌ی لە‌نێوان دا چاند. ئینجا لێیان گە‌ڕان گە‌شە بکە‌ن تاکو کاتی دروێنە هات. دواتر زیوانە‌کە لە گە‌نمە‌کە جیاکرایە‌وە و زیوانە‌کە لە‌ناو بردرا. بە‌ڵام گە‌نمە‌کە لە ئە‌مباری پیاوە‌کە‌دا کۆکرایە‌وە.
ئینجا عیسا بۆ قوتابییە‌کانی ڕوونکردە‌وە واتای ئە‌و نموونە چییە. عیسا خۆی چێنە‌رە. ئینجا وتی: «تۆووە چاکە‌کە‌ش ڕۆڵە‌کانی شانشینن، زیوانە‌کە‌ش ڕۆڵە‌کانی خراپە‌کارە‌کە‌ن، دوژمنە‌کە‌ش کە تۆوی چاند ئیبلیسە، دروێنە‌کە‌ش کۆتایی ڕۆژگارە» (مە‌تا ١٣:٣٨، ٣٩). عیسا قوتابییە ڕاستە‌قینە‌کانی خۆی بە گە‌نمە‌کە دانا. بە‌ڵام شە‌یتان قوتابی پوچە‌ڵی چاند، کە بە زیوان بە‌راورد دە‌کرێ و لە نێوان قوتابییە‌کانی عیسا دا سە‌ریان هە‌ڵدا کە‌واتە هە‌روە‌ک عیسا خۆی پێشبینی کرد، لە ماوە‌ی ئە‌و سە‌دانە‌ی دوای مردنی عیسا قوتابی پوچە‌ڵ سە‌ریان هە‌ڵدا. ئە‌وانیش بانگە‌شە‌یان بۆ ئایینی پوچە‌ڵ دە‌کرد، وە‌کو فێرکردنی سێیە‌کانە و هە‌روە‌ها بت پە‌رستی و بە‌شدار بوون لە سیاسە‌تیان دە‌ست پێ کرد. تە‌نها هە‌ندێک کە‌س لە سە‌ر فێرکردنە‌کانی مە‌سیح بە‌ردە‌وام بوون.
باوە‌ڕی ڕاستە‌قینە دە‌پارێزدرێ
لە‌گە‌ڵ ئە‌مە‌شدا مە‌سیح شی کردە‌وە کە لە کۆتاییدا گۆڕانکاری ڕوودە‌دات. فریشتە‌تە‌کانی خودا ئە‌و کە‌سانە جیا دە‌کە‌نە‌وە کە خاوە‌ن باوە‌ڕی ڕاستە‌قینە نیین. بۆیە ناسینە‌وە‌ی ئە‌و کە‌سانە‌ی باوە‌ڕی ڕاستە‌قینە‌یان هە‌یە ئاسانتر دە‌بێتە‌وە. هە‌روە‌ها لە کۆتایی دا شە‌یتان دوژمنی سە‌رە‌کی باوە‌ڕ لە‌ناو دە‌بردرێ. بە‌ڵێ، لە کۆتاییدا باوە‌ڕی ڕاستە‌قینە سە‌رکە‌وتوو دە‌بێ.
بە‌ڵام تۆ چۆن دە‌توانی ئە‌و کە‌سانە بناسییە‌وە کە باوە‌ڕی ڕاستە‌قینە‌یان هە‌یە؟ ئێمە دواتر تاووتویی وە‌ڵامی ئە‌و پرسیارە دە‌کە‌ین.
فریشتە‌کانی خودا دە‌گە‌ڕێن بۆ ئە‌و کە‌سانە‌ی کە دە‌یانهە‌وێ باوە‌ڕی ڕاستە‌قینە‌یان هە‌بێ
