Sa ki ti arive avek bann Izraelit dan Laplenn Moab i en lavertisman pour bann Kretyen. (1Ko 10:6, 8, 11) Bann madanm Moabit ti komet imoralite seksyel e ador zidol. Zot ti enfliyans bann Izraelit ki ti frekant zot pour komet bann pese grav. Sa ti anmenn bann move konsekans. (No 25:9) Nou antoure avek dimoun kot travay, kot lekol, nou bann vwazen, fanmir e lezot ankor ki pa ador Zeova. Ki nou kapab aprann avek sa resi Labib konsernan bann move keksoz ki kapab arive ler nou fer zanmi avek dimoun ki pa ador Zeova?

ZWE SA VIDEO WARNING EXAMPLES FOR OUR DAY​—EXCERPT. APRE REPONN SA BANN KESTYON SWIVAN:

• Ki move fason panse Zimri ek lezot ti pe partaz avek Zamin?

• Ki mannyer Fineas ti ed Zamin pour vwar keksoz dan en bon fason?

• Ki diferans i annan ler nou amikal avek en dimoun ki pa krwar dan Bondye avek ler nou vin son zanmi?

• Akoz nou devret fer atansyon ler nou pe swazir nou zanmi, menm dan kongregasyon?

• Akoz nou devret evite antre dan bann group lo rezo sosyal avek bann dimoun ki nou pa konnen?