Kantik Salomon 1:1-17
-
Sa pli zoli kantik (1)
-
Zenn fiy (2-7)
-
Bann fiy Zerizalenm (8)
-
Lerwa (9-11)
-
“Nou pou fer bann bizou annor pour ou” (11)
-
-
Zenn fiy (12-14)
-
“Sa enn ki mon kontan i parey en sak lamir ki santi bon” (13)
-
-
Berze (15)
-
“Ou sa enn ki mon kontan, ou zoli”
-
-
Zenn fiy (16, 17)
-
“Ou sa enn ki mon kontan, ou zoli” (16)
-
1 Sa pli zoli* kantik ki Salomon in ekri:
2 “Les li anbras mwan avek son labous,Parski fason ki ou montre ki ou kontan mwan i pli bon ki diven.
3 Ou bann delwil i santi bon.
Ou non i parey en delwil santi bon ki’n ganny vide.
Sanmenm sa, bann zenn fiy i kontan ou.
4 Anmenn mwan avek ou,* annou taye.
Lerwa in anmenn mwan dan son bann lasanm!
Annou fer bann keksoz ki nou kontan ansanm.
Annou koz lo* fason ki ou montre ki ou kontan mwan, ou lanmour i pli bon ki diven.
Zot* annan rezon kontan ou.
5 Bann fiy Zerizalenm, mon nwanr, me mon zoli,Parey bann latant Kedar, parey bann latwal latant Salomon.
6 Pa bezwen get mwan parski mon nwanr,Parski soley in tap lo mwan.
Bann garson mon manman ti ankoler avek mwan.
Zot ti fer mwan vey bann plantasyon rezen,Me mon pa ti vey mon prop plantasyon rezen.
7 Ou sa enn ki mon kontan en kantite, dir mwanKote ou anmenn ou troupo manz zerbE kote ou fer zot repoze dan midi.
Akoz mon devret fer parey en madanm ki kouver son figir avek en vwal*Ler mon parmi bann troupo ou bann zanmi?”
8 “Ou sa pli zoli fiy, si ou pa konnen,Swiv troupoE anmenn ou bann zenn kabri manz zerb o bor bann latant bann berze.”
9 “Ou sa enn ki mon kontan, ou parey en* femel seval ki anmenn bann saret Faraon.
10 Bann bizou* i fer ou lazou zoli,Bann kolye i fer ou likou zoli.
11 Nou pou fer bann bizou* annor pour ouE met bann bout larzan* lo la.”
12 “Ler lerwa i asiz lo son latab ron,Mon lesans i anvoy en bon loder.
13 Sa enn ki mon kontan i parey en sak lamir* ki santi bonKi pas lannwit ant mon tete.
14 Sa enn ki mon kontan i parey en grap roukou*Dan bann plantasyon rezen Enn-Gedi.”
15 “Gete! Ou sa enn ki mon kontan, ou zoli.
Gete! Ou zoli. Ou lizye i parey lizye bann kolonm.”*
16 “Gete! Ou sa enn ki mon kontan, ou zoli e ou fer mwan kontan.
Nou lili i parmi bann fey.
17 Bann bim dan nou lakaz* in ganny fer avek pye sedE bann plafon dan nou lakaz in ganny fer avek pye zenevriye.*
Bann not
^ Oubyen “kantik bann kantik.”
^ Literalman, “Fer mwan swiv ou.”
^ Oubyen “loue.”
^ Setadir, bann zenn fiy.
^ Oubyen “en vwal pour dey.”
^ Oubyen “mon.”
^ Oubyen posibleman, “Bann lake seve.”
^ Oubyen “ron.”
^ Larzan, sa metal.
^ Vwar Leksplikasyon bann mo.
^ Henna an Angle.
^ Oubyen “pizon.” Dove an Angle.
^ Oubyen “gran lakaz.”
^ Juniper an Angle.
