Kantik Salomon 5:1-16
5 “Mon’n antre dan mon zarden,Mon ser, mon nouvel marye.
Mon’n pran mon lamir* ek mon zepis.
Mon’n manz mon gof dimyel ek mon dimyel.
Mon’n bwar mon diven ek mon dile.”
“Mon bann zanmi, manze!
Bwar e vin sou avek lanmour!”
2 “Mon pe dormi, me mon leker pa pe dormi.
Mon tann sa enn ki mon kontan pe tap laport!”
“Mon ser, sa enn ki mon kontan, ouver laport,Mon kolonm,* sa enn ki napa defo!
Parski mon latet i mouye avek laroze,Mon seve i mouye avek limidite ki annan aswar.”
3 “‘Mon’n tir mon rob lo mwan.
Eski mon devret remet li?
Mon’n lav mon lipye.
Eski mon devret sali li ankor?’
4 Sa enn ki mon kontan ti tir son lanmen dan trou laportE sa ti kas mon leker.
5 Mon ti leve pour ouver laport pour sa enn ki mon kontan.
Lamir ti koule avek mon lanmenE delwil lamir ti koule avek mon bann ledwaLo lanmans laport.
6 Mon ti ouver laport pour sa enn ki mon kontan,Me sa enn ki mon kontan ti’n fini ale, i pa ti la.
Mon ti dekouraze ler i ti ale.*
Mon ti rod li, me mon pa ti trouv li.
Mon ti kriy li, me i pa ti reponn mwan.
7 Bann gardyen ki ti pe fer letour dan lavil ti vwar mwan.
Zot ti tap mwan, zot ti bles mwan.
Bann gardyen lo miray ti pran mon skarf.*
8 Bann fiy Zerizalenm, fer en serman:
Si zot vwar sa enn ki mon kontan,Dir li ki mon malad telman mon kontan li.”
9 “Ou sa pli zoli fiy,Dan ki fason sa enn ki ou kontan i pli bon ki lezot?
Dan ki fason sa enn ki ou kontan i pli bon ki lezot,Ki ou demann nou pour fer sa serman?”
10 “Sa enn ki mon kontan i zoli e i annan en ten roz.
Ou remark li parmi dis mil dimoun.
11 Son latet i lor, sa pli bon kalite lor.
Son seve i parey bann fey pye palm ki pe balanse,*I nwanr parey korbo.
12 Son lizye i parey bann kolonm o bor bann pti larivyerKi pe bennyen dan dileO bor en basen ki plen avek delo.*
13 Son lazou i parey en zarden ki annan zepis,Bann zepis ki santi bon.
Son lalev i bann fler lis, ki annan delwil lamir ki pe koule avek.
14 Son bann ledwa i lor avek krizolit* lo la.
Son vant i ivwar* ki’n ganny poli e ki’n ganny kouver avek bann safir.*
15 Son lipye i bann pilye marb ki’n ganny mete lo en plak ki’n ganny fer avek sa pli bon kalite lor.
I zoli parey Liban, napa ki parey li, parey pye sed.
16 Son labous* i douE mon kontan tou keksoz avek li.
Bann fiy Zerizalenm, sa i sa enn ki mon kontan, wi, sa enn ki mon kontan.”
Bann not
^ Vwar Leksplikasyon bann mo.
^ Oubyen “pizon.” Dove an Angle.
^ Oubyen posibleman, “Mon ti pros pour tonm feb ler i ti koze.”
^ Oubyen “vwal.”
^ Oubyen posibleman, “parey bann grap dat.”
^ Oubyen posibleman, “rebor sours delo.”
^ Sa i en pyer presye ki kouler zonn. Chrysolite an Angle.
^ Vwar Leksplikasyon bann mo.
^ Sa i en pyer presye. Sapphire an Angle
^ Literalman, “pale.”
