Psonm 25:1-22
En sanson David.
א [Aleph]
25 O Zeova, mon vin ver ou.
ב [Beth]
2 O mon Bondye, mon annan konfyans dan ou.Pa les lezot fer mwan onte.
Pa les mon bann lennmi pran plezir dan mon maler.
ג [Gimel]
3 Sirman, tou sa ki annan lespwar dan ou pa pou onte,Me bann ki trai lezot san rezon pou onte.
ד [Daleth]
4 O Zeova, fer mwan konn sa ki fer ou plezir.*Montre mwan ki mannyer ou oule mon viv.*
ה [He]
5 Fer mwan mars dan ou laverite e ansenny mwanParski ou mon Bondye ki sov mwan.
ו [Waw]
Tou dilon lazournen mon annan lespwar dan ou.
ז [Zayin]
6 O Zeova, pa bliye ki ou en Bondye ki pran pitye e ki demontre lanmour fidel,Zis parey ou’n toultan fer.*
ח [Heth]
7 Pa mazin mon bann pese ek fot ki mon ti fer ler mon ti zenn.
Mazin mwan akoz ou lanmour fidel,Parski ou bon O Zeova.
ט [Teth]
8 Zeova i bon e drwat.
Sanmenm sa i montre bann ki fer pese sa bon semen.
י [Yod]
9 I pou gid bann ki annan limilite pour fer sa ki byen,*I pou montre bann ki annan limilite sa bon semen.
כ [Kaph]
10 Pour bann ki gard son lalyans ek son bann rapel,Tou bann santye Zeova i lanmour* ek fidelite.
ל [Lamed]
11 Akoz ou non, O Zeova,Pardonn mon fot, menm si i grav.
מ [Mem]
12 Lekel sa dimoun ki annan en gran respe pour Zeova?
Bondye pou montre li ki semen i devret swazir.
נ [Nun]
13 I pou eksperyans sa ki bonE later pou vin pour son desandans.
ס [Samekh]
14 Bann ki annan en gran respe pour Zeova pou vin son bon zanmiE i fer zot konn son lalyans.
ע [Ayin]
15 Mon toultan depan lo Zeova,*Parski i pou tir mon lipye dan lasenn.
פ [Pe]
16 Get mwan e demontre labonte anver mwanParski mon tousel e napa personn pour ed mwan.
צ [Tsade]
17 Traka dan mon leker in ogmante.Ed mwan pour aret enkyet.
ר [Resh]
18 Get mon soufrans ek mon malerE pardonn tou mon pese.
19 Gete ki kantite lennmi mon annan,Zot vreman ay mwan e anvi fer mwan ditor.
ש [Shin]
20 Protez mon lavi e sov mwan.
Pa les lezot fer mwan onte, parski mon’n rod ou proteksyon.
ת [Taw]
21 Ki mon fidelite ek ladrwatir i protez mwanParski mon annan lespwar dan ou.
22 O Bondye, sov Izrael dan tou son soufrans.
Bann not
^ Oubyen “konn ou bann semen.”
^ Oubyen “Ansenny mwan ou bann santye.”
^ Oubyen “Parey depi lontan.”
^ Literalman, “fer zizman.”
^ Oubyen “lanmour fidel.”
^ Literalman, “Mon lizye i toultan lo Zeova.”
