Psonm 36:1-12
Pour direkter lanmizik. En sanson David, en serviter Zeova.
36 Dan fon son leker, pese i koz avek en move dimoun pour fer li fer sa ki mal.I napa respe* pour Bondye.
2 I telman krwar ki i enportanKi i pa arive vwar e ay son prop fot.
3 Son parol i blesan e i anbet lezot.I pa konpran ki mannyer pour fer sa ki byen.
4 Menm ler i lo son lili, i fer konplo pour fer ditor lezot.
I determinen pour swiv en move semen.I pa rezet sa ki mal.
5 O Zeova, ou lanmour fidel i ariv ziska dan lesyelE ou fidelite ziska dan nyaz.
6 Ou ladrwatir i parey bann zoli montanny.*Ou bann zizman i parey lanmer ki gran e fon.
O Zeova, ou protez* bann imen ek zannimo.
7 O Bondye, ou lanmour fidel i vreman presye!
Anba ou lezel, bann imen i rod proteksyon.
8 Zot bwar bann pli bon keksoz* dan ou lakaz ziska ki zot rasazye.Ou donn zot en kantite bon keksoz pour bwar parey delo larivyer.
9 Ou sa Enn ki donn lavi.Gras a ou lalimyer, nou kapab vwar kler.
10 Kontinyen demontre ou lanmour fidel avek bann ki konn ouE ou ladrwatir avek bann ki annan en leker senser.
11 Pa les lipye sa enn ki arogan kraz mwanNi lanmen en move dimoun pous mwan.
12 Laba bann ki fer sa ki mal in tonbe.Zot in ganny zet ater e zot pa kapab leve.
Bann not
^ Literalman, “lafreyer.”
^ Literalman, “bann montanny Bondye.”
^ Oubyen “sov.”
^ Literalman, “bwar lagres.”
