Psonm 73:1-28
En sanson Asaf
73 Bondye i vreman bon avek Izrael, avek bann ki annan leker pir.
2 Me mwan, mon lipye ti pros pour kit sa bon semen,Mon lipye ti pros pour glise.
3 Parski mon ti zalou bann dimoun arogan*Ler mon ti vwar lape bann move dimoun.
4 Parski zot pa soufer ler zot mor,Zot an bonn sante.*
5 Zot pa ganny problenm parey lezot dimoun,Ni soufer parey lezot.
6 Sanmenm lorgey i parey en kolye dan zot likouE vyolans parey en lenz lo zot.
7 Zot larises* i fer zot lizye sorti,Zot in ganny plis ki sa ki zot ti pe mazinen.
8 Zot monk lezot e dir bann move keksoz.
Zot arogan e menase pour fer ditor lezot.
9 Zot fer vantar konmsi zot dan lesyelE zot dir nenport kwa partou lo later.
10 Alor pep Bondye i vir kont li e al kot zotE bwar zot delo ki annabondans.
11 Zot dir: “Ki mannyer Bondye i konnen?
Eski sa Enn Tre O i vreman konn sa bann keksoz?”
12 Wi, tou keksoz i fasil pour sa bann move dimoun.
Zot vin deplizanpli ris.
13 Vreman i pa vo lapenn ki mon’n gard mon leker pirE ki mon’n lav mon lanmen akoz mon inosan.
14 Tou dilon lazournen mon ti enkyetE tou le bomaten mon ti ganny disiplinen.
15 Me si mon ti’n dir sa bann keksoz,Mon ti pou’n trai ou pep.*
16 Ler mon ti esey konpran sa,Sa ti fatig mwan
17 Ziska ki mon ti antre dan landrwa sen BondyeE mon ti konpran sa ki pou arive avek bann move dimoun.
18 Sirman ou pou met zot lo en semen ki glise.
Ou pou fer zot tonbe e ganny detrir.
19 En sel kou zot ganny detrir,
Maler i ariv lo zot e zot mor!
20 O Zeova, parey en dimoun ki bliy sa ki i’n reve,Ler ou leve, ou pou bliy* zot.
21 Me mon ti vreman dekourazeE mon ti santi en gro douler anndan mwan.*
22 Mon pa ti kapab reflesi byen e mon ti parey en dimoun bet,Mon ti parey en zannimo ki pa konpran nanryen devan ou.
23 Me aprezan mon toultan avek ou,Ou’n tyonbo mon lanmen drwat.
24 Ou konsey mwan e gid mwanE apre, ou pou fer mwan ganny laglwar.
25 Lekel ankor ki mon annan dan lesyel?
Apard ki ou, mon pa anvi nanryen lo later.
26 Mon lekor ek mon leker i kapab epwize,Me Bondye i redonn mwan lafors* e i mon par pour touzour.
27 Vreman, bann ki reste lwen avek ou pou mor.
Ou pou detri tou bann ki pa fidel avek ou e ki’n kit ou.*
28 Me mwan, vin pli pros avek Bondye i bon pour mwan.
Mon’n fer Souvren Senyer Zeova vin mon landrwa kasyetE mon pou koz lo tou sa ki i’n fer.
Bann not
^ Oubyen “vantar.”
^ Oubyen “Zot vant i gro.”
^ Literalman, “lagres.”
^ Literalman, “zenerasyon ou bann garson.”
^ Oubyen “rezet.”
^ Literalman “dan mon ronnyon.”
^ Literalman, “i ros mon leker.”
^ Oubyen “ki kit ou dan en fason imoral.”
