Psonm 91:1-16
91 En dimoun ki reste dan landrwa sekre sa Enn Tre OPou ganny proteze dan lonbraz sa Enn Tou Pwisan.
2 Mon pou dir Zeova: “Ou mon landrwa kasyet e mon landrwa proteksyon,Mon annan konfyans dan mon Bondye.”
3 Parski Bondye pou delivre ou dan latrap en saser zwazoE kont lepidemi ki touy dimoun.
4 I pou kouver ou avek son bout lezelE ou pou pran refiz anba son lezel.
Son fidelite pou parey en gran boukliye e en miray proteksyon.
5 Ou pa pou per nanryen pandan lannwit,Ni bann fles ki anvole pandan lizour,
6 Ni lepidemi ki mars dan fernwanr,Ni destriksyon ki ariv dan midi.
7 Mil dimoun pou tonm dan ou koteE dis mil dimoun dan ou kote drwat,Me nanryen mal pa pou ariv avek ou.
8 Ou pou zis vwar sa ariveLer ou vwar bann move dimoun ganny pini.
9 Vi ki ou’n dir: “Zeova i mon landrwa kasyet,”
Alor ou’n fer sa Enn Tre O vin ou landrwa proteksyon.*
10 Ou pa pou pas dan malerE fleo pa pou vin pros avek ou latant.
11 Parski i pou donn lord son bann lanzPour protez ou partou kot ou ale.
12 Zot pou tyonbo ouPour ki ou pa tap ou lipye avek en ros.
13 Ou pou mars lo en zenn lyon e lo en kobra,Ou pou pil pil lo en lyon e lo en gro serpan.
14 Bondye ti dir: “Parski i kontan* mwan, mon pou delivre li.
Mon pou protez li akoz i konn mon non.
15 I pou priy mwan e mon pou reponn li.
Mon pou avek li ler i dan problenm.
Mon pou delivre li e glorifye li.
16 Mon pou fer li viv lontanE i pou vwar ler mon azir pour sov li.”*
