Zob 5:1-27
5 “Silvouple, kriy osekour! Eski okenn dimoun in reponn?
Lekel parmi bann sen ki ou pou koz avek?
2 En lenbesil pou ganny touye akoz i rankinenE en dimoun bet* pou ganny met amor akoz i groker.
3 Mon’n vwar en dimoun bet ki pe prospere,Me en sel kou son lakaz i ganny modi.
4 Son bann zanfan pa an sekirite,Zot ganny kraze kot baro lavil e napa personn pou sov zot.
5 Sa enn ki lafen i manz sa ki en dimoun bet i rekolte,I menm pran sa ki pous dan pikanE bann byen sa enn ki bet ek son bann garson i ganny pran pardfors.
6 Parski problenm pa sorti dan lapousyerE maler pa pous dan later.
7 Parski dimoun i ne pour pas dan problenm,Zis parey bann letensel i anvole dan lezer.
8 Me si mon ti dan ou plas, mon ti pou demann led BondyeE mon ti pou dir li mon problenm.
9 Mon ti pou koz avek sa Enn ki fer bann gran keksoz ki personn pa konpranE ki fer en kantite keksoz merveye.
10 I fer lapli tonm lo laterE i aroz bann plantasyon.
11 I onor bann senp dimoun,I relev e sov bann ki’n ganny rezete.
12 I anpes bann dimoun rize akonpli zot planPour ki zot pa reisi dan sa ki zot fer.
13 I atrap bann dimoun saz dan zot prop rizPour ki plan bann dimoun malen pa abouti dan nanryen.
14 Zot dan fernwanr pandan lazournenE midi, zot tatonnen konmsi i aswar.
15 Bondye i sov bann dimoun kont bann ki zot lalang i parey en lepe,I sov bann pov dan lanmen bann ki for
16 Pour ki bann senp dimoun i annan lespwarE ki labous bann move dimoun i fermen.
17 Gete! Ere sa dimoun ki Bondye i koriz li.
Alor pa rezet disiplin sa Enn Tou Pwisan!
18 Parski i fer soufer, me i pans sa boubou.
I blese, me i geri avek son prop lanmen.
19 I pou sov ou dan sis malerE menm sa setyenm maler pa pou fer ou ditor.
20 Pandan lafanmin, i pou sov ou dan lanmorE pandan lager, i pou anpes ou ganny touye avek lepe.
21 Ou pou ganny proteze kont bann parol blesan*E ou pa pou per ler maler i vini.
22 Ou pou riye ler destriksyon ek lafanmin i viniE ou pa pou per bann bebet sovaz lo later.
23 Parski bann ros dan plantasyon pa pou fer ou dimal*E bann bebet sovaz dan lakanpanny pou anpe avek ou.
24 Ou pou santi ou an sekirite* dan ou latantE ler ou al get ou troupo, ni enn pa pou manke.
25 Ou pou annan bokou zanfanE ou desandans pou vin bokou parey zerb lo later.
26 Ou pou ankor for ler ou al dan latonm,Parey bann pake dible pandan sezon rekolt.
27 Gete! Nou’n egzamin tousala e sa i vre.
Ekoute e aksepte li.”
Bann not
^ Oubyen “naif.”
^ Oubyen “kont lalang ki fwete.”
^ Oubyen “fer en lalyans avek ou.”
^ Literalman, “anpe.”
