KANTIK 34
Mars avek fidelite
(Psonm 26)
-
1. Ziz mwan Senyer, get mon fidelite,
Mon gran konfyans dan ou e mon lentegrite.
Egzamin mwan e teste mon leker,
Pirifye mon lespri, aksepte mwan Senyer.
(REFREN)
Tandis ki mwan, mon’n fini deside,
mars touzour avek ou, avek fidelite.
-
2. Mon pa frekant bann mesan, bann manter.
Mon ay lasosyasyon ou bann lennmi Senyer.
Pa detri mwan ansanm ek bann mesan,
Bann dimoun koronpi ki fer koule disan.
(REFREN)
Tandis ki mwan, mon’n fini deside,
mars touzour avek ou, avek fidelite.
-
3. Wi, mon kontan landrwa kot ou reste.
Ou ladorasyon pir i fer mwan vin zwaye.
Mon pou touzour mars otour ou lotel
E avek tou dimoun proklanm sa bon nouvel.
(REFREN)
Tandis ki mwan, mon’n fini deside,
mars touzour avek ou, avek fidelite.
(Vwar osi Ps. 25:2.)
