LESON 76
Zezi i pirifye tanp
Prentan lannen 30, Zezi ti al Zerizalenm. En kantite dimoun ti’n vin dan lavil pour selebre Lapak. Zot ti bezwen ofer bann zannimo kot tanp pour selebre sa lafet. Serten dimoun ti vin avek zot zannimo, me lezot ti bezwen aste zannimo Zerizalenm.
Ler Zezi ti al kot tanp, i ti vwar bann dimoun pe vann zot zannimo laba. Zot ti pe fer larzan lanmenm la kot Zeova i ganny adore. Ki Zezi ti fer? I ti fer en fwet e i ti pous bann mouton ek bef dan tanp. I ti savir latab bann ki ti pe sanz larzan e zet zot larzan ater. Zezi ti dir bann ki ti vann bann zwazo: ‘Tir sa bann zafer la! Pa bezwen fer lakaz mon Papa vin en bazar!’
Bann dimoun kot tanp ti etonnen ler zot ti vwar sa ki Zezi ti fer. Son bann disip ti rapel en profesi lo Mesi: ‘Mon pou annan en kantite devouman pour lakaz Zeova.’
Pli tar, lannen 33, Zezi ti pirifye tanp ankor en fwa. I pa ti les personn demontre en mank respe pour lakaz son Papa.
“Ou pa kapab lesklav Bondye e lesklav Larises an menm tan.”—Lik 16:13
Ou pou kapab kontan sa osi
ZEZI I SEMEN, LAVERITE EK LAVI
Zezi i demontre devouman pour vre ladorasyon
Dapre Lalwa Bondye, bann dimoun ti ganny drwa aste bann zannimo Zerizalenm pour fer zot sakrifis. Alor, akoz Zezi ti ankoler avek bann ki ti pe vann dan tanp?
VIN ZANMI ZEOVA
Annan respe pour lakaz Zeova
Ki mannyer ou kapab demontre respe pour landrwa ladorasyon Zeova?
