LESON 50
Ki mannyer ou fanmir i kapab ere?—Parti 2
Zanfan i en kado sorti kot Zeova. I ekspekte bann paran pour pran byen swen avek sa kado. Zeova i donn paran bann bon konsey ki kapab ed zot pour fer sa. Son konsey i osi kapab ed bann zanfan pour zot osi kontribye pour annan en lavi fanmir ere.
1. Ki konsey Zeova i donn bann paran?
Zeova i ekspekte paran pour kontan zot zanfan e pas otan letan ki posib avek zot. I osi anvi bann paran protez zot zanfan e servi bann prensip Labib pour elve zot. (Proverb 1:8) I dir sa avek bann papa: “Kontinyen elve zot [zanfan] dapre disiplin ek gidans Zeova.” (Lir Efezyen 6:4.) Zeova i kontan ler bann paran i swiv son gidans ler zot pe elve zot zanfan e zot pa donn zot responsabilite avek lezot.
2. Ki konsey Zeova i donn bann zanfan?
Zeova i demann bann zanfan pour: “Obeir zot paran.” (Lir Kolosyen 3:20.) Ler zanfan i respekte e obeir zot paran, zot fer tou le de Zeova ek zot paran kontan. (Proverb 23:22-25) Zezi in kit en bon legzanp ler i ti ankor en zanfan. Kantmenm i ti parfe, i ti obeir son paran e montre respe pour zot.—Lik 2:51, 52.
3. Ki mannyer nou kapab vin pli pros avek Bondye konman en fanmir?
Si ou en paran, sirman ou ti a kontan ou zanfan i kontan Zeova zis parey ou kontan li. Ki mannyer ou kapab arive fer ou zanfan kontan Zeova? Ler ou fer sa ki Labib i dir: “Ou devret ansenny [parol Zeova] avek ou zanfan, koz lo la ler ou asize dan ou lakaz, ler ou marse lo semen.” (Deterononm 6:7) Ler nou “ansenny,” nou bezwen repet en keksoz e parey ou konnen ou bezwen souvan repet en keksoz avek ou zanfan pour ki zot rapel. Sa verse pe dir nou ki nou devret toultan rod loportinite pour koz avek nou zanfan lo Zeova. I byen pour lafanmir met letan dekote sak semenn pour ador Zeova ansanm. Kantmenm ou napa zanfan, ou pou benefisye si ou pran en pti letan sak semenn pour etidye Parol Bondye.
AL PLI O PROFON
Vwar bann bon sizesyon ki kapab ed nou tou dan lafanmir pour santi nou an sekirite e ere.
4. Elve ou zanfan avek lanmour
I pa fasil pour elve zanfan. Ki mannyer Labib i kapab ede? Lir Zak 1:19, 20 e apre reponn sa bann kestyon:
-
Ki mannyer bann paran i kapab montre lanmour ler zot pe kominik avek zot zanfan?
-
Akoz en paran pa devret zanmen disiplin son zanfan ler i ankoler? a
5. Protez ou zanfan
Pour kapab protez ou zanfan, i tre enportan ki ou koz avek li lo sèks. Sa i kapab en pe zenan pour fer. Zwe sa VIDEO e apre reponn sa bann kestyon.
-
Akoz i pa fasil pour serten paran koz avek zot zanfan lo sèks?
-
Ki mannyer serten paran in kapab koz lo sèks avek zot zanfan?
Lemonn Satan pe vin deplizanpli move zis parey i’n ganny profetize. Lir 2 Timote 3:1, 13 e apre reponn sa kestyon:
-
Serten sa bann move dimoun ki verse 13 i koz lo la i abiz zanfan seksyelman. Alor akoz i enportan pour paran koz avek zot zanfan lo sèks e ed zot protez zot lekor kont bann abizer?
Eski ou ti konnen?
Temwen Zeova in pibliy plizyer piblikasyon ki kapab ed paran koz avek zot zanfan lo sèks e protez zot kont labi seksyel. Par egzanp, vwar:
-
Protez ou zanfan (video)
-
“Teaching Your Child About Sex” (Veye! No. 5 2016 an Angle)
6. Montre respe pour ou paran
Bann zanfan ek adolesan i kapab montre respe pour zot paran par lafason ki zot koz avek zot paran. Zwe sa VIDEO e apre reponn sa bann kestyon.
-
Akoz i enportan pour en zanfan oubyen en zenn montre respe ler i pe koz avek son paran?
-
Ki mannyer en zenn i kapab koz avek son paran dan en fason ki montre respe pour zot?
Lir Proverb 1:8 e apre reponn sa kestyon:
-
Ki mannyer en zenn i devret reazir ler son paran i dir li ki pour fer?
7. Ador Zeova an fanmir
Bann fanmir Temwen Zeova i met en serten letan dekote sak semenn pour ador Zeova ansanm. Ki mannyer ladorasyon fanmir i deroule? Zwe sa VIDEO e apre reponn sa bann kestyon.
-
Ki mannyer en fanmir i kapab annan en progranm ladorasyon fanmir ki regilye?
-
Ki paran i kapab fer pour ki ladorasyon fanmir i itil e gou?—Vwar portre lo konmansman sa leson.
-
Kwa ki kapab fer li difisil pour ou fanmir etidye ansanm?
Dan letan Izrael, Zeova ti ekspekte bann fanmir pour regilyerman koz lo Parol Bondye. Lir Deterononm 6:6, 7 e apre reponn sa kestyon:
-
Ki mannyer ou kapab aplik sa prensip?
Sizesyon pour ladorasyon fanmir:
-
Prepar renyon kongregasyon ansanm.
-
Lir e diskit lo en resi Labib ki ou fanmir pou kontan.
-
Si ou annan pti zanfan, download ouswa enprim en aktivite pour zanfan lo jw.org.
-
Si ou annan bann adolesan, diskit en lartik pour bann adolesan lo jw.org.
-
Esey fer en pti pyes teat avek ou zanfan lo en zistwar dan Labib.
-
Get en video lo jw.org e fer en diskisyon ansanm lo la.
SERTEN DIMOUN I DIR: “Labib i tro konplike pour zanfan.”
-
Ki ou dir lo la?
REZIMEN
Zeova i anvi paran i kontan, i elve e protez zot zanfan. I anvi ki zanfan i respekte e obei zot paran e osi ki bann fanmir i ador li ansanm.
Revizyon
-
Ki mannyer paran i kapab elve e protez zot zanfan?
-
Ki mannyer zanfan i kapab montre respe pour zot paran?
-
Ki byenfe nou gannyen ler nou met en letan dekote sak semenn pour ador Zeova an fanmir?
FER PLIS RESERS
Ki bann leson ki pou prepar ou zanfan pour vin en adilt?
Vwar bann bon konsey ki Labib i donn bann ki pran swen avek zot paran aze.
“Ki Labib i dir konsernan pran swen avek ou paran aze?” (Lartik lo jw.org)
Vwar ki mannyer en msye ki pa ti konnen ki mannyer pour elve zanfan ti vin en bon papa.
Gete ki mannyer bann papa i kapab fortifye zot relasyon avek zot garson.
“How Can Fathers Stay Close to Their Sons?” (Latour Veyer 1 Novanm 2011 an Angle)
a Dan Labib, “disiplin” i vedir enstri, gid e koriz en dimoun. I pa zanmen vedir abiz oubyen maltret sa dimoun dan okenn fason.—Proverb 4:1.
Ou pou kapab kontan sa osi
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
